Luand

Vikipedii-späi
(Oigetud lehtpolelpäi Angolan pälidn)
Luand
Luanda
Valdkund Angol
Eläjiden lugu (2022) 2,831,280 ristitud
Pind 116 km²
Luand Luanda
Pämez' Manuel' Homem
(sügüz'ku 2022—,
Manuel Gomes da Conceição Homem)
Telefonkod +244−2
Aigvö UTC+1


Lidnan nägu Man kaimdajaspäi vn 2022 kezakus

Luand (port.: Luanda [luˈɐ̃dɐ]) om Angolan pälidn da kaikiš suremb lidn, valdkundan ižandusen keskuz. Vozil 2008 i 2017 om kaikiš kal'hedamb lidn mail'mas elämižen täht. Lidn om Luandan agjan administrativižeks keskuseks mugažo i om sen municipalitetaks (município) seičemen kesken.

Istorii[vajehta | vajehtada tekst]

Eländpunktan aluz om pandud portugalijalaižil San-Paulu-di-Luanda-nimitusenke vn 1576 25. päiväl vilukud. Šingotihe portugaližen administracijan keskuseks. Sai lidnan statusad vl 1605. Lidn oli orjudentorguindan keskuseks, kaik läz koumed millionad ristituid vedihe ujuden Luandaspäi verhiže maihe 17.-19. voz'sadoil. Udesnimitihe (lühetihe nimed) nügüdläižikš vl 1975, «luanda» om tahondan amuine nimituz.

Luand šingotase järedal eksportan meriportal (kivivoi, kofe, puvill, sahar, diamantad, raud, keitandsol), sauvondal i sauvondmaterialiden pästandal (cement, metalližkonstrukcijad), kivivoin ümbriradmižel (substancijad, plastiktegesed), sömtegimištol (sömäd, jomad, tabaktegesed), tekstil'tegimištol, sobiden da kengiden tehmižel.

Geografijan andmused[vajehta | vajehtada tekst]

Lidn otab ližakast sijad Atlantižen valdmeren randištol, seižub londuseližen merikaran randal kuz' metrad ü.m.t. keskmäižel korktusel. Kvanz-jogi lankteb valdmerhe lidnanno.

Klimat om tropine kuiv. Voden keskmäine lämuz om +25,8 C°, kül'mkun-semendkun +26,7..+28,6 C°, heinkun-elokun +22,1 C°. Heinkus il'man lämuz voib poleta +11 Cel'sijan gradushasai vilun Bengelan joksmusen tagut. Absolütine maksimum oli +37,2 C° keväz'kus. Paneb 250..500 mm sadegid vodes, 405 mm vodes keskmäras, vähemba kezakus-redukus (10 mm pordos). Vihmoiden tobj pala oleskeleb keväz'kus (114 mm) i sulakus (136 mm), kaikiš räkemban aigan. Toižil kuil oleleb 16..36 mm kus. Kun keskmäine relätivine nepsuz vajehtase 78..85 % röunoiš voden aigan.

Tobmuz[vajehta | vajehtada tekst]

Luandan agjan sijaduz Angolas

Luand-agjan pämez' om gubernator port.: Governador Provincial de Luanda).

Enččed Luand-agjan pämehed:

  • Franciska du Espiritu Santu (Francisca do Espírito Santo, 2009−2010);
  • Hose Marija duš Santuš (Jose Maria dos Santos, 2011−2013);
  • Grasiano Fransisko Domingos (Graciano Francisco Domingos, 2014−2016);
  • Francisko Idžino Lopes Karneiro-jenaral (Francisco Higino Lopes Carneiro, kül'mku 2016 — 2017);
  • Adriano Mendes de Karvaljo (Adriano Mendes de Carvalho, 2017−2019);
  • Seržio Lüter Reskova Joakim (Sérgio Luther Rescova Joaquim, 2019−2020);
  • Žoana Lina Ramos Baptista Kandido (Joana Lina Ramos Baptista Cândido, 2020−2022).

Eläjad[vajehta | vajehtada tekst]

Vn 2014 rahvahanlugemižen mödhe Luand-lidnan eläjiden lugu om 2 165 867 ristitud 113 nellikkilometrad pindal. Luand-agj om lidnan aglomeracijaks, sen ristitišt om 9 079 811 eläjad (2022, vl 2014 oli 6 945 386 eläjad 2417 km² pindal), valdkundan koumandez. Vspäi 2011 administrativiž-territorialine reorganizacii mäni, ližatihe agjan pindad, i nügüd'aigan Luand-lidnan pind om 116 km², Luand-agjan pind om 18 835 km². Kaikiš suremb lidnan i agjan ristišton lugud oma nügüd'.

Znamasine üläopendusen aluzkund om Universitet Agostinjo Neton nimed[1] (port.: Universidade Agostinho Neto). Sen aluz om pandud vl 1962, 29,8 tuh. üläopenikoid vl 2011. Kaik ühesa fakul'tetad i koume üläinstitutad mülüdas universitetha, niišpäi koume fakul'tetad sijadasoiš Luandas, toižed ezilidnoiš (Talatonas päpaloin — päkorpusan sijaduz).

Homaičendad[vajehta | vajehtada tekst]

  1. Universitetan Agostinjo Neton nimed sait (uan.ao). (port.)

Irdkosketused[vajehta | vajehtada tekst]



Afrikan pälidnad
Abudž | Addis-Abeb | Akkr | Alžir-lidn | Antananarivu | Asmar | Bamako | Bangi | Banžul | Bisau | Brazzavil' | Dakar | Dodom | Džibuti-lidn | Džub | Fritaun | Gaborone | Giteg | Harare | Hartum | Jamusukro | Jaunde | Kair | Kampal | Kigali | Kinšas | Konakri | Librevil' | Lilongve | Lome | Luand | Lusak | Malabo | Maputu | Maseru | Mbabane | Mogadišo | Monrovii | Moroni | Nairobi | Ndžamen | Niamei | Nuakšot | Port Lui | Porto Novo | Prai | Pretorii | Rabat | San Tome | Tripoli | Tunis-lidn | Uagadugu | Viktorii | Vindhuk
Nece kirjutuz om vaiše ezitegez. Tö voit abutada meile, ku kohendat sidä da ližadat sihe.