Ardon (lidn)

Ardon
Ардон (ven.)
Ӕрыдон (oset.)
Valdkund	Venäma
Eläjiden lugu (2025)	18,960 ristitud
Pind	29,14 km²
Pämez'	Igor' Hamicev; (sügüz'ku 2017—)
Telefonkod	+7−86 732-xx-xxx
Avtokod	15
Aigvö	UTC+3 (MSK+0)

Ardon (ven.: Ардо́н, oset.: Ӕрыдон) om Venäman lidn da lidnankund Pohjoižosetijan — Alanijan Tazovaldkundan keskuzpalan pohjoižes. Se om Ardonan rajonan administrativižeks keskuseks da palaks.

Istorii

Eländpunktan aluz om pandud vl 1824 kuti Venäman imperijan Ardonan varmitez kaičemha ted. Ühtes vodes sijaližed osetinalaižed heimod sirdaškanziba varmitesen seinile. Vl 1838 panihe kozakoiden Ardonskai-stanicad (ven.: станица Ардонская) osetinan eländpunktanno. Ühtištadihe Ardon-žilod Ardonskai-stanicanke oficialižeks i anttihe lidnan statusad nügüdläiženke nimitusenke vn 1964 heinkun 23. päiväl Venäman NFST:n Ülembaižen Nevondkundan Prezidiuman käskön mödhe.

Ardon šingotase šebnän i etilspirtan tegimil.

Geografijan andmused

Lidn sijadase rajonan keskuzpalan päivlaskmas, ühtennimižen jogen hural randal (oset.: Æрыдон «äred jogi» 102 km pitte, Terekan hura ližajogi), 418 m keskmäižel korktusel valdmeren pindan päl.

Matkad Vladikavkazhasai om koumekümne viž kilometrad suvipäivnouzmha. Lähembaižed lidnad oma Alagir 18 km suvhe i Digor 12 km päivlaskmha orhal vai avtotedme.

Tobmuz

Bekan-žilo (oset.: Бехъан, 189 rist. vl 2022) mülüb lidnankundha Ardonan ližaks. Lidnankundan pind om 165,12 km².

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 18 774 ristitud, rajonan koume videndest, vn 2021 — 18 956 ristitud. Vl 2017 lidnan ristitišt oli 19 371 eläjad, lidnankundan — 19 556 eläjad. Kaikiš suremb lidnan ristitišt oli 19 513 eläjad vl 2016.

Rahvahad (enamba 0,6 % vl 2010, ozutadud rahvahudenke): osetinalaižed — 78,1 %, venälaižed — 17,8 %, armenijalaižed — 1,4 %, toižed rahvahad — 2,7 %.

Ortodoksižen hristanuskondan kaks' pühäpertid^[1] (jumalanpert' i časoun') oma avaitud lidnas. Mugažo Aleksandrovskai missionerine hengeline seminarii radoi vll 1895−1918 (Ardonan hengeline škol vll 1887−1895), vspäi 2006 sauvuz om anttud jumalankodikundale, no ei ole kohetud vodele 2019.

Openduz

Lapsiden opendusen aluzkundad oma päivkodid, keskškolad.

Pohjoižkavkazan agrariž-tehnologine kolledž^[2] om lidnan professionaližen opendusen aluzkundaks.

Homaičendad

Irdkosketused

Lidnan tobmuden oficialine sait (ardongorod.ru). (ven.)

Ardon (lidn) Vikiaitas

	Pohjoižosetijan — Alanijan Tazovaldkundan lidnad
	Alagir \| Ardon \| Beslan \| Digor \| Mozdok \| Vladikavkaz

[1] Ardonan pühäpertid sobory.ru-saital. (ven.)

[2] Pohjoižkavkazan agrariž-tehnologižen kolledžan sait (skatk.ru). (ven.)

[1]

[2]