Mine sisu juurde

Bagration (sild)

Vikipedii-späi
Bagration-sildan nägu vn 2007 keväz'kus

Bagration-sild om jaugnikoiden da torguindan sild Venäman Moskv-pälidnan keskuzpalas, Moskvanjoges päliči.

Sild om avaitud vn 1997 sügüz'kus i kändihe «Moskv-Siti»-kompleksan ezmäižeks vaumitud sauvuseks. Ühtenzoitab Rusttan Presnän randirdad, «Vistavočnaja»- i «Azjaline keskuz»-metrostancijoid Taras Ševčenkon randirdanke i «Moskv-Siti:n» üläkorktanke «Čuhunduz 2000»-ofissauvusenke[1].

Bagration-sildan sauvondan meletuz sündui ezmäižes sur'kulus «Moskv-Siti»-projektas — letud Presnän randirdale ambiciozižes azjaližes rajonas. Konz «Moskv-Siti» kazvoi, ka kebn jaugnikoiden ühtenzoituz vastrandanke kändihe tarbhaižeks, sen paloin Taras Ševčenkon randirdanke. Muga mel' sündui tehta ei vaiše sildad, no sur'kulud dominantad, kudamb mülüiži organižikš nügüdläižhe lidnan londuzkuvaha.

Nimitadud vn 1812 Tatanmaižen sodan ühtnijan Petr Bagration-jenaralan mödhe sildan sauvomine zavodihe vl 1997 i tuli lophu täuzin vl 1999.

Harakteristikad

[vajehta | vajehtada lähtetekst]

Boris Thor-arhitektoran i Vladimir Travuš-konstruktoran projekt sädi avoint jaugnikoiden ted stöklaspäi i metallaspäi. Mugoine pätand tegi sildad kaiksezonižeks da komfortižeks kävelemha miččen taht voden aigan.

Sild om 214 metrad pitte i 16 metrad levette. Pind om 13,6 tuh. nellikmetrad, se laskeb säta levedad avarut ei vaiše jaugnikoiden täht, no kommertižiden-ki objektoiden täht: enamba mi nell' tuhad nellikmetrad andase kortoman kal't. Päkeskustan piduz om 147 metrad. Sildan pindan korktuz Moskvanjogen päl om nell'toštkümne metrad.

  1. Деловой центр долгостроя (Hätken saudud projektan azjaline keskuz) // Коммерсантъ-aiglehtez, 24. keväz'ku 2005. (ven.)