Bil'bao

Vikipedii-späi
Bil'bao
Bilbao (isp.)
Bilbo (bask.)
 Lidnanznam
 Flag
Valdkund Ispanii
Eläjiden lugu (2018) 345,821 ristitud
Pind 41 km²
Bil'bao Bilbao (isp.) Bilbo (bask.)
Pämez' In'jaki Askuna
Telefonkod +34−94
Aigvö tal'vel UTC+1,
kezal UTC+2


Bil'bao (bask.: Bilbo [bilβo], isp.: Bilbao [bilˈβao]) om Ispanijan 10. lidn eläjiden lugun mödhe, Biskaij-agjan administrativine keskuz. Mülüb avtonomižhe Baskma-ühthižkundha, sen kaikiš järedamb lidn.

Istorii[vajehta | vajehtada tekst]

Eländpunktan aluz om pandud vl 1300 biskaižen Diego Lopes V de Aro-ohjandajan pätandan mödhe.

Bil'bao šingotase meriportal, turizmal i rahaazjoiden sarakol.

Geografijan andmused[vajehta | vajehtada tekst]

Lidn sijadase Nervjon-jogen randoil (bask.: Nerbioi, isp.: Nervión 72 km pitte), 0..689 m korktusil, 19 m ü.m.t. keskmäižel korktusel (6..32 m lidnan pertištos). Jogi lankteb Biskaižhe lahthe i sädab estuarijad siš. Bil'baon keskuzpala om 16 kilometras lahtespäi. Ezilidnad oma lahten randal.

Klimat om valdmeren subtropižen i venon röunal. Voden keskmäine lämuz om +14,7 C°, kezakun-sügüz'kun +18..+21 C°, tal'vkun-uhokun +9..+10 C°. Ekstremumad oma −8 C° i +42 C°. Paneb sadegid 1134 mm vodes, vähemba kezakus-sügüz'kus (50..73 mm kus). Paneb lunt tal'vel lähižiden mägiden pautkil.

Eläjad[vajehta | vajehtada tekst]

Vl 2013 lidnan eläjiden lugu oli 349 356 ristitud. Kaikiš suremb lidnan ristitišt oli 433 115 eläjad vl 1982, sid' vajehtihe lidnan municipalitetan röunoid, i ristitišt poleni statistižikš.

Läz 1 mln ristituid elädas ezilidnoidenke.

Transport[vajehta | vajehtada tekst]

Avtobusad, tramvaid i metropoliten (vspäi 1995, vl 2017 om koume jonod, 48 stancijad, 43 km raudted) oma kundaližeks transportaks lidnas. Avtobusad i ezilidnjonused ühtenzoittas ezilidnoidenke. Meriport radab Biskaižen lahten randal.

Rahvahidenkeskeine civiline Bil'bao-lendimport (BIO / LEBB, bask.: Bilbo-Loiu aireportua, isp.: Aeropuerto de Bilbao, 5,4 mln passažiroid vl 2018) radab ühesas kilometras pohjoižhe lidnan keskusespäi.

Homaičendad[vajehta | vajehtada tekst]


Irdkosketused[vajehta | vajehtada tekst]