Birminhem (Alabam)

Birminhem
Birmingham
	Flag;
Valdkund	Amerikan Ühtenzoittud Valdkundad
Eläjiden lugu (2024)	196,357 ristitud
Pind	387,31 km²
Pämez'	Randell Vudfin; (tal'vku 2017—,; Randall Woodfin)
Telefonkod	+1−205
Aigvö	tal'vel UTC−6,; kezal UTC−5

Birminhem (angl.: Birmingham [ˈbɜːrmɪŋhæm]) om AÜV:oiden lidn Alabam-štatan keskuzpalan pohjoižes. Se om štatan kahtenz' lidn eläjiden lugun mödhe (Hantsvillan jäl'ghe), medicinižen i juridižen opendusen järed keskuz, Džefferson-ümbrikon (2910 km²) administrativine keskuz.

Istorii

Eländpunktan aluz om pandud vl 1871, ani Rahvahanikoiden sodan lopun jäl'ghe. Nimitihe britanižen Börmingem-lidnan mödhe. Ende oli tetab raudan metallurgijan keskuseks sauvomha raudteid.

Nügüd'aigaine Birminhem šingotase bankingan keskuseks (10. sija AÜV:oiš, järed «Regions Bank»), šebnän da leten järedal «Vulcan Materials»-kompanijal i sauvondedheotandoil («EBSCO Industries»-konglomeratan päfater i 1,5 tuhad radnikoid, «Brasfield & Gorrie»).

Geografijan andmused

Lidnan sijaduz ümbrikoiš i Alabam-štatas vl 2015 kartal

Lidn sijadase 182 m ü.m.t. keskmäižel korktusel. Sen aglomeracii seižub Kahab-jogen oiktal randpolel (angl.: Cahaba River, 312 km pitte, Mobil-jogen bassein). Kaikiš znamasižemb Guver-ezilidn sijadase ani suvhe lidnaspäi. Matkad štatan administrativižhe Montgomeri-keskushesai om 148 km suvhe.

Klimat om subtropine neps. Keza om päivoikaz lujas, tal'vaig om pil'vekaz. Voden keskmäine lämuz om +17,7 C°, kezakun-sügüz'kun +24,2..+27,5 C°, tal'vkun-uhokun +7,1..+9,3 C°. Lämuden absolütine minimum oleskeli −23,3 C° (uhoku), maksimum +42 C° (heinku). Paneb sadegid 1438 mm vodes, kuidme läz tazomäras, vähemb redukus (85 mm). Paneb lunt nell' santimetrad tal'ves. Manrehkaidusen kaikiš lujemb registriruidud magnitud oli 5,1 vl 1916. Kun keskmäine relätivine nepsuz vajehtase 64..66 % röunoiš uhokus-sulakus, 70..75 % toižiš kuiš.

Eläjad

Vn 2010 AÜV:oiden rahvahanlugemižen mödhe lidnan eläjiden lugu oli 212 237 ristitud, vn 2020 — 200 733 ristitud. Kaikiš suremb lidnan ristitišt oli 340 887 eläjad vl 1960. Kaik 210,710 elihe lidnas (sen aigan štatan kaikiš suremb) i 1,15 mln ristituid elihe lidnaglomeracijas vl 2017 (49. sija valdkundas).