Budö

Budö
Budö
Lidnanznam;	Flag;
Valdkund	Norvegii
Eläjiden lugu (2022)	48,833 ristitud
Pind	1,395,33 km²
Telefonkod	+47-
Aigvö	tal'vel UTC+1,; kezal UTC+2

Budö (norv.: Bodø) om Norvegijan lidn da kund Nurlann-fül'kes, sen administrativine keskuz.

Ühthižed andmused

Nimi

Kommun om nimitadud vanhan Bodøgård-ferman mödhe (vanh norv. Boðvin), lidn sündui sen territorijal. Nimitusen ezmäine pala, voib olda, oli boði-sana, kudamb znamoičeb vedenalaižid kall'oid vai šherid, nimen toine pala om vin-sana, znamoičeb «nit» vai «omaluine».

Lidnanznam

Kommunan nügüdläine znam om vahvištadud vn 1959 24. päiväl heinkud. Sil kaks'toštkümnesädegine pakuine päiväine kuvadase rusttal tagamal, se simvolizuruib polärišt päiväd^[1].

Istorii

Budö sai lidnan statusad ičeohjastusenke vl 1816 i nügüd'aigan se om Nurlann-fül'ken administrativižeks keskuseks. Budö-lidn sai kundan (kommunan) statusad vn 1838 1. päiväl vilukud. Mülütihe Budön kommunad Budö-lidnha vn 1968 1. päiväl vilukud, Skjerstad-kommunad — vn 2005 1. päiväl vilukud. Budö om kaikiš suremb Nurlannan lidn pohjoižpolehe i kahtenz' surtte Pohjoižnorvegijas.

Budön tobj pala oli muretud Lüftvaffen londan aigan vn 1940 27. päiväl semendkud. Kaik kudes tuhaspäi, kudambad eliba lidnas, sen londan aigan 15 ristitud pölištuiba: kaks' britaništ saldatad i 13 norvegijalašt. Eländkodin teravan vajaguden tagut Ročinman ohjastuz abuti sauda 107 faterad vn 1941 tal'vkus. Nened pertid oma saudud kompaktižikš ani lidnan röunan taga. Pen' territorii, nügüd' Budön keskuzpalas, nimitase svenskebyen (Ročin lidn) tähäsai. Sodan jäl'ghe udessaudihe lidnad. Lidnan udessündutamine tuli lophu täuzin vl 1959 lidnan uden ratušan sauvondanke.

Budö-lendimport oli AÜV:oiden Lockheed U-2-špionlendimen tulendan sijaks Frensis Pauers:an ohjandusen al, amptihe NSTÜ:n päl vn 1960 1. päiväl semendkud, matkan Pakistanaspäi Budöhö aigan.