Civilöv Sergei Jevgenjevič
| Sergei Jevgenjevič Civil'ov | |
 | |
| radmižen toižend: | |
|---|---|
| sündundan dat: |
21. sügüz’ku 1961 |
| sündundan sijaduz: |
Mariupol', Donetski oblast[d], Ukraina NSV[d], Nevondkundaližiden Socialistižiden Tazovaldkundoiden Ühtištuz |
| valdkund: |
|
| tat: |
Jevgenii Sem'onovič Civil'ov |
| mam: |
Dina Vasiljevna Civil'ova |
| suprug: |
Šablon:Нп3 (1972) |
| lapsed: |
velled Anton i Nikita |
 Sergei Jevgenjevič Civil'ov VikiAitas | |
Sergei Jevgenjevič Civilöv (ven.: Серге́й Евге́ньевич Цивилёв, Ukrainan NST, Sovetskijas Sojuzas) om Venäman valdkundmez', Venäman energetikan ministr vn 2024 semendkun 14. päiväspäi.
Ende — Kemerovon agjan pämez' vn 2018 sügüz'kun 17. päiväspäi (Kemerovon agjan pordaigaline pämez' vn 2018 1.-17. sügüz'kud)[1]. Mez' om politižen "Ühthine Venäma"-partijan Korktan Nevondkundan ühtnijaks.
Elostarin
[vajehta | vajehtada lähtetekst]Sergei Civilöv om sündnu Ždanovha Stalinan agjas vn 1961 21. sügüz'kud. Sergein sündundan jäl'ghe kanz tuli elole Arhangel'skan agjan Kotlasha, kümnes vodes päliči vl 1971 tuli elole Har'kovan agjan Čugujev-lidnha. Mehen Jevgenii Semönovič-tat radoi aigsijaližen pämehen kaluištonfabrikas. Mam, Dina Vasiljevna, radoi pämehen laukas siš-žo lidnas.
Openduz
[vajehta | vajehtada lähtetekst]Vl 1983 Civilöv lopi Mustanmeren korktan voinmeren radmahttehnikuman P. S. Nahimovan nimed Sevastopoliš, "Laivoiden azegišt"-erišton, openzihe oficeraks korktan voinopendusenke, sai inžener-elektromehanikan kvalifikacijan. Jäl'ges oli službal Venäman Pohjoižel laivištol.
Vodel 1999 lopi Piterin valdkundaližen ekonomikan universitetan, "Rahad da velg"-erišton, sai ekonomistan kvalifikacijad.
Rad
[vajehta | vajehtada lähtetekst]Vodhesai 1994 Civil'ov oli sodaslužbal Venäman sodavägiš, hänel sodaarv om — 3. rangan kapitan.
Vll 1995−1996 hän radoi "Aeroflot"-bankan Piterin filialan varjoičendsisteman pämehen.
Vozil 1997−2012 ohjanzi "Nortek"-juridišt organizacijad Piteriš.
Vodel 2007 tegihe "Lenekspoinvest"-organizacijan partn'oraks. Sille pidi leta uz' "Lenekspo"-kompleks, kus joga voden tehtas Piterin rahvahidenkeskeine ekonomikan forum. Toižen partn'oran oli Viktor Hmarin — Vladimir Putinan ühtesklassnik, kudamb ühtes hänenke kävui vointaidehen sebraha. Nenil vozil Hmarinan organizacii oli ühten surembišpäi kaludišton tojišpäi "Gazproman" täht. Völ ühteks "Lenekspoinvestan" partn'oraks tegihe Lengorispolkoman enzne pämez' Hodirev Vladimir Jakovlevič.
Vodelpäi 2010 Civil'ov tegi rahansijadusid kivensaskilmižes alovehes.
Vozil 2012—2013 — "Kolmaran" pämehiden nevondišton aigsijaline pämez'. Keväz'kun 2. päivähasai vodel 2018 Sergei i Anna Civil'ovad ohjanziškanziba šveicarialašt "Kolmar Sales and Logistics"-organizacijad.
Vodelpäi 2014 — organizacijan pämez' i sen 70 % akcijoiden omištai (30 % akcijoiden omištai om biznesmez' Timčenko Gennadii Nikolajevič). ООО "Kolmar" — hilensaskelmižiden radištoiden, möndan da vedändan organizacijoiden kompleks. Ühtes ned saba, kormdaba korgedladušt hil't, mittušt sadas Ner'ungin agjan Sahan Valdkundan sündundtahoiš.
Vn 2018 keväz'kun 2. päiväspäi — Kemerovon agjan aigsijaline pämez' tegeližuden, ajamiden da tavaroiden möndan mödhe[2].
25. keväz'kud vodel 2018 Kemerovos oli. Požaran taguiči koli 60 ristitud. Vn 2018 27. keväz'kud Kemerovon eläjad tuliba keragale, kus pakičiba heitta Kemerovon agjan pämest Aman Tulejevad i lidnan administracijad radsijalpäi, mugažo hö pakičiba sel'genzoitta azjad sudan abul i ustavzoitta kaikid värnikoid. Tulejev mitingale ei tulend, no sille tuli vice-gubernator Sergei Civilöv. Möhemba Civilöv pidädes sanad, pakiči kolnuziden heimolaižil prostindad seižutades kombuile.
Vn 2024 14. semendkud Parlament vahvištoiti Sergei Civilövad Venäman energetikan ministran radsijale, necil-žo päiväl Venäman prezident allekirjuti käskön hänen panendas.
Kemerovon agjan pämez'
[vajehta | vajehtada lähtetekst]_02.jpg)
Jäl'ges Aman Tulejevan heitändad radsijalpäi vn 2018 1. sulakud Venäman prezident pani Civilövad Kemerovan agjan aigsijaližeks pämeheks[3].
Om taritud Kemerovon agjan pämehen kandidataks 16. heinkud vodel 2018.
Änestamižen päivän vn 2018 9. sügüz'kud Civilöv oli valitud Kemerovon agjan pämeheks videks vodeks. Zavodi rata 17. sügüz'kud[4].
Vn 2018 8. tal'vkud pätusen pohjal, miččen tegiba 18. suiman politižen "Ühthižen Venäman"-partijan delegatad, hän mülüškanzi Partijan Korktaha nevondištoho.
Voden 2019 lopus Kemerovon agjan administracijan ohjandaikundaspäi tehtihe Kemerovon agjan valdmehišton. Gubernator tegihe valdmehišton pämeheks.
Voden 2020 tal'vkun 21. päiväspäi — Venäman valdkundan nevondišton prezidiuman ühtnik.
Vodelpäi 2021 Kemerovon agjan, Kuzbassan, valdmehištod ohjandab gubernatoran ezmäine aigsijaline pämez'.
1. redukud vodel 2021 vastusel prezidentanke Vladimir Putinanke Civilöv tariči sureta Kemerovon (nügüd' 540 tuh. eläjid) da Novokuzneckan (nügüd' 580 tuh. eläjid) rahvahan lugumärad millionahasai kaikuččes lidnas. Necen täht pidab mureta üksnäižpertid i leta uzid. Sidä kesken Civilöv homaiči, miše planuitas mugavoitta lidnad, tehta eläjiden elonoloid parembikš.
Vn 2023 keväz'kus Putin-prezident hüvästi Civilövan planan Kuzbassan socialiž-ekonomižes kehitoituses, a mugažo neniden kanzoiden tuges, kenen kanznikad ühtneba Voinoperacijaha Ukrainal vodespäi 2022, i Sibirin turizman kehitoituses ottes homaičusehe mägensuks'ted Taštagolas. Putin homiči, miše Kuzbassas om problemoid hilen vedändandke Tihijan valdmeren valdmoidennoks läz 6500 kilometrad matkas. Sikš ku hilen mär kazvab, pidab paremboitta vedändad Baikal-Amuran da Transsibirin raudteiden kal't. Pagištihe siš-ki, miše pidab tehta lophusai Kuzbassan kul'turkompleksan i sureta kadetkodin. Prezident hüväksi Civilövan tahtod panda ičeze kandidaturad gubernatoraks änestamižehe toižen kerdan.
Valičendoiden ühthižel päiväl vn 2023 10. sügüz'kud Civilöv sai 85,24 % änid i kändihe gubernatoraks möst.
Märičendad
[vajehta | vajehtada lähtetekst]Vn 2022 21. heinkud panihe Civilövad Evropan Ühtištusen sankcijoiden nimikirjuteshe sodategendoiden taguiči Ukrainan territorijal. Vn 2022 29. kezakud — putui Suren Britanijan sankcijoiden nimikirjuteshe. 24. uhokud vodel 2023 Civil'ov om pandud Amerikan märičezlugetišehe vointegoiden taguiči Ukrainal. Mugažo om Novaja Zelandijan, Ukrainan i Šveicarijan sankcijoiden nimikirjutesiš.
Vn 2025 24. uhokud putui Kanadan sankcijoiden nimikirjuteshe.
Kanz
[vajehta | vajehtada lähtetekst]Vell' — Valerii Civilöv, "Kolmar gruppan" pämez'.
Ak, Venäman polistusen aigsijaline ministr voden 2024 kezakun 17. päiväspäi[5]. Ende, voden 2023 sulakun 3. päiväspäi tegihe Valdkundaližen "Kodiman kaičijad"-fondan pämeheks[6]. Vn 2022 29. kezakud oli pandud Suren Britanijan sankcijoiden nimikirjuteshe.
Lapsed — kaks' poigad: Anton i Nikita.
Pauklahjad
[vajehta | vajehtada lähtetekst]Homaičendad
[vajehta | vajehtada lähtetekst]- ↑ Выборы губернатора Кузбасса выиграл Сергей Цивилёв
- ↑ Пресс-центр | Администрация Кемеровской области
- ↑ ВРИО губернатора Кемеровской области назначен Сергей Цивилёв. (ven.)
- ↑ Победивший на выборах губернатора Кузбасса Цивилев вступил в должность.
- ↑ РБК, 17 июня 2024. Путин назначил жену министра энергетики замминистра обороны. Путин назначил жену министра энергетики Анну Цивилеву замминистра обороны
- ↑ Путин создал фонд поддержки участников СВО и семей погибших бойцов «Защитники Отечества».
- ↑ Указ Президента Российской Федерации от 1 октября 2021 года № 558 «О награждении государственными наградами Российской Федерации».
- ↑ Глава российского военного ведомства вручил награды за взаимодействие с Минобороны / mil.ru, 22 ноября 2019