Näk

Näk
Näk Sures Britanijas
Tedoklassifikacii
Valdkund: Živatad Tip: Sel'gjäntkeižed (Chordata) Klass: Lindud (Aves) Heimkund: Pasklindunvuiččed (Passeriformes) Sugukund: Kroikoinvuiččed (Corvidae) Heim: Coloeus Erik: Näk
Latinankel'ne nimi
Coloeus monedula (Linnaeus, 1758)
Areal
vaiše pezoitelese     läbivozne eländtaho     migracijan rajonad
Sistematik Vikierikoiš Kuvad Vikiaitas ITIS 179746 NCBI 30423

Näk (latin.: Coloeus monedula vai Corvus monedula) om Kroikoinvuiččed-sugukundan levitadud lind. Erištadas nell' alaerikod.

Leviganduz

Lind om levitadud Evropas, Azijan päivlaskmas i keskuses, Afrikan Keskmeren randišton päivlaskmas.

Näkan londuseližed eländtahod oma letkesižed kall'oikahad longoitesed, harv mec. Pezoitelese karaižiš, ristitun penidenno eländpunktoidenno. Sügüzel i tal'vel näkad kalaidas suril joukuil sötken ecmäs fermoidenno i lidnoiden irdoil, sen aigan ödudas puil.

Ümbrikirjutand

Hibj om 34..39 sm pitte, 136..265 g vedutte, suugiden maihutuzkeskust — 65..74 sm. Nägub mustaks edahanpäi kron'an kartte, no näk om penemb. Höunhišt om must muzahahkanke, suugad i händ oma loštajad, n'ok om penehk, sil'mäd oma sivivauvhad-vauktad. Paksumb kida om komed i čoma korvale «kai» libo «kjaa».

Oleskeleb täuz'kaznu i äikerdoičese kaks'voččel, voib eläda 14 vodhesai.

Elonmaht

Lind sädab joukuid, sidä kesken heimkundan toižidenke erikoidenke. Näk om monogamine, ižač i emäč pezoiteldas elon hätkte i kazvatadas poigaižid ühtes.

Kodikoičese hüvin, navedib hoštajid kaluid.

Alaerikod

Erištadas alaerikoid regionan, höunhišton mujun i suruden mödhe. Om zonoid segoitadud tundusidenke.

• Corvus monedula monedula (nominaline alaerik) — Skandinavii, vauvaz läip tagarail i kaglan kül'gil.
• Corvus monedula spermologus — Evropan päivlaskm i keskuz, pän ezima i sazopäd oma läz mustad, vauvaz läip tagaspäi ku oleleb, ka kaid šoid kaglan jurenno.
• Corvus monedula soemmerringii — Evropan päivnouzm i Azii. Erasti mülütadas ezmäižhe alaerikho, vauvaz läip om ühtejitte senke, no höunhišton muju om muzavamb.
• Corvus monedula cirtensis — Alžiran pohjoižpäivnouzm.

Galerei

• 
  Näk Moskvan Caricino-rajonas vn 2024 tal'vel, Venälaine Federacii
• 
  Näkan munad, oma löutud Francijas vl 1948
• 
  Näk lenduses