Pähkimpu (heim)
| Pähkimpu | ||||||||||||
|---|---|---|---|---|---|---|---|---|---|---|---|---|
 Änikoičii järgeline pähkimpu (Corylus avellana, heimon tipine erik), Francii | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Córylus L. | ||||||||||||
|
Pähkimpu (latin.: Corylus) om penzhiden i puiden heim Koivunvuiččed-sugukundaspäi.
Leviganduz
[vajehta | vajehtada lähtetekst]Heimon kazmused oma levitadud Pohjoižen mapoliškon londuses (Evrazii i Pohjoižamerik). Pähkimpun erikod sätas alamecad levedlehtesižiš mecoiš kavag'mecanke. Voib löuta mecanröunas i lehtmecoiš. Elonform om penzaz päpaloin, pud oma harvemba.
Järgeline pähkimpu om kaikiš enamba levitadud heimos i sen-žo erikon ižanduseline znamoičend om kaikiš lujemb, se om ottud kul'turha amuižiš aigoišpäi. Kul'tiviruidas heimon äjid erikoid pähkmihe näht. Nimitadas fundukaks järgeližen i pontižen (Corylus avellana var. pontica) pähkimpuiden järedambid ploduid.
Ümbrikirjutand
[vajehta | vajehtada lähtetekst]Lehtesed oma surehkod koveritomad, kehkrad vai läz sidä, lanktas tal'veks.
Mužiksugun änikod šingotadas sügüzel, tal'vdudas i änikoitas aigaližel kevädel edel lehtesid völ. Plod om pähkim. Semned oma vauktušeta.
Kävutand
[vajehta | vajehtada lähtetekst]Pähkimpun äjad erikod oma söndznamoičendanke ičeze ploduiden tagut.
Turkižen pähkimpun (Corylus colurna) vahv čoma pumaterial om arvokaz meblin tehmižes. Tehtas veičiden i pall'aižiden varmdoid varzid järgeližes pähkimpuspäi (Corylus avellana). Ottas kävutamižhe sen oksid aidoiden pletindan täht, pit'k ongirag tegese, kuvatas mastinid hoikembiš oksišpäi.
Erikod
[vajehta | vajehtada lähtetekst]Kaik om 17..23 erikod, kaik libudas Pohjoižes mapoliškospäi. Om sätud gibridoid saduiden täht.
Erased-se erikod:
- Corylus americana — Amerikaine pähkimpu
- Corylus avellana — Järgeline pähkimpu, heimon tipine erik (kazvab kaikedme Evropadme, om kul'turas amussai)
- Corylus chinensis — Kitajine pähkimpu
- Corylus colhica — Kolhidine pähkimpu
- Corylus colurna — Turkine pähkimpu (vai Punvuitte pähkimpu, Anatolijan pol'sar', Kavkazantaguine, Balkanad. Pu 20 metrhasai kortte, om ottud kul'turha amuižespäi)
- Corylus cornuta — Sarvekaz pähkimpu (Pohjoižamerikan päivnouzm)
- Corylus fargesii — Faržen pähkimpu (Kitai)
- Corylus ferox — Gimalajine pähkimpu (Nepal, Mjanmar, Kitai, Indii)
- Corylus heterophylla — Erazlehtesine pähkimpu
- Corylus maxima — Järed pähkimpu
Homaičendad
[vajehta | vajehtada lähtetekst] |
Pähkimpu (heim) Vikiaitas |