Crocus City Hall

Crocus City Hall oli äižiruine koncertzal Venäman Krasnogorsk-lidnas.
Istorii
[vajehta | vajehtada lähtetekst]Vn 2024 keväz'kuhusai se zal sijazihe Moskvan agjan Krasnogorsk-lidnan Crocus City-bizneskeskusen territorijal, Moskvan rengazavtoten 67. kilometran ümbrištos i läz Mäkinino-metrostancijad. Zal oli avaitud vn 2009 25. päiväl redukud Araz Agalarov-edheotajal.
Zalan standartine mülü oli 6200 ristitud, kaikiš suremb — 9500 ristitud (konz karglava oli tehtud parteras). Lopi radod terroran jäl'ghe jäl'ghiženke lämoipalonke vn 2024 22. päiväl keväz'kud. Sauvusen tulii ozahuz jäb tundmatomaks, no Venäman Valdkundaline Dum vahvišti idejad sen udessündutamatomudes. Möhemba siš, miše pert' ei linne udessündutadud, sanui Moskvan agjan Andrei Vorobjov-gubernator.
Koncertad da šoud
[vajehta | vajehtada lähtetekst]Ezmäižes koumes vodes Crocus City Hall:an rad kerazi enamba koumed millionad kacujid 900 aigtegol. Ezmäine koncert oli Muslim Magomajevan mušteht äjiden Venäman tähthaižiden ühtnendanke. Scenan olendan aigan enamba sadad tutabid artistoid tegiba edestusid, kut venälaižed, muga verazmalaižed-ki. Mugažo oli teatrozutelusid, sportaigtegoid da lapsiden ezitusid.
Vl 2010 Crocus City Hall vedi rahvahidenkeskešt vokalistoiden konkursad Muslim Magomaevan nimed, päiči vn 2021 konkursan sirdandas pandemijan tagut. Sen konkursan pätegend om tradicijoiden tugeduz da noriden lahjakahiden vokalistoiden edenend.
Vl 2013 Crocus City Hall tegi čomuden rahvahidenkeskešt «Miss Universum»-konkursad, kudamb läksi ekranoile mail'madme i kerazi enamba milliardad telekacujid. Venesuelan ezitai oti vägestust konkursal, Donal'd Trump i Stiven Tailer (Aerosmith-muzikgruppan än') oliba sen adivoikš.
Vll 2022 i 2023 Crocus City Holle-pajo putui «Mask»-šoun koumanden i nelländen sezonoiden finalaha, kaikutte kerazi seičeme tuhad kacujid. Finalad läksiba ekranoile NTV-telekanalan oiktaha efirha.
![]() |
Crocus City Hall Vikiaitas |
![]() |
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |