Mine sisu juurde

Degt'ar'ov Mihail Vladimirovič

Vikipedii-späi
Mihail Vladimirovič Degt'ar'ov
Портрет
radmižen toižend:

politikanmez', avaliku elu tegelane

sündundan dat:

10.07.1981

sündundan sijaduz:

Šablon:МР, RSFSR, SSSR

valdkund:

 Nevondkundaližiden Socialistižiden Tazovaldkundoiden Ühtištuz
 Venäma

tat:

Vladimir Ivanovič Degt'ar'ov

mam:

Svetlana Mihailovna Degt'ar'ova

suprug:

Galina Viktorovna Degt'ar'ova

lapsed:

nel'l' last

avtograf:

sait:

degtyarev.info

 Mihail Vladimirovič Degt'ar'ov VikiAitas

Mihail Vladimirovič Degt'ar'ov (ven.: Михаи́л Влади́мирович Дегтярёв) — venälaine valdmez', politik da aktivist. Venäman sportan ministr 14. semendkuspäi vodelpäi 2024. Habarovskan agjan pämez' 24. sügüz'kuspäi vodelpäi 2021 - 14. semendkuhusai vodhesai 2024 (aigsijaline pämez' 20. heinkud vodel 2020 — 24. sügüz'kud vodel 2021). Venäman valdkundaližen nevondišton ühtnik 15. kül'mkuspäi vodelpäi 2021. Juridine tedokandidat (2020).

Šablon:Нп3 prezident 13. tal'vkuspäi vodelpäi 2024.

Venäman Valdkundaližen duman VI da VII kucundoiden deputat (21. tal'vkud vodel 2011 — 20. heinkud vodel 2020). Valdkundaližen Duman Fizkul'turan, sportan, turizman da norišton azjoiden komitetan pämez' (5. redukud vodel 2016 — 20. heinkud vodel 2020)[1]. Valdkundaližen duman VI kucundan Tedon da tehnologijoiden komitetan varapämez' (21. tal'vkud vodel 2011 — 5. redukud vodel 2016)[1].

LDPR-partijan Ülembaižen nevondišton ühtnik (2013—2017) LDPR-frakcijan prezidiuman ühtnik VII kucundan Valdkundaližes dumas (2017—2020)[1].

Vodelpäi 2021 — LDPR-partijan Habarovskan regionaližen erišton pämez', vodel 2023 om möst valitud necile sijale.

Sportmaster fehtovanijan mödhe, Venäman da rahvahidenkeskeižiden fehtovanijan voibištelendoiden vägestai, Samaran da Samaran agjan äikerdaine čempion.

Aigaližed voded

[vajehta | vajehtada lähtetekst]

Om sündunu 10. heinkud vodel 1981 Kuibišev-lidnas lekariden kanzas[1]. Tat — Vladimir Ivanovič Degt'ar'ov (sünd. 1949), akušer-ginekolog, Venäman arvostadud lekar', Samaran agjan klinižen kardiologijan dispanseran lekar'[1][2]. Mam — Svetlana Mihailovna Degt'ar'ova (sünd. 1953), lekar'-gastroenterolog, radoi personaližes ven.: «Клиника 4 управления»-tervhuz'kompanijas Samaras[1][3].

Openduz da tedorad

[vajehta | vajehtada lähtetekst]

Vodel 1998 lopi Samaran rahvahidenkeskeižen aeroavaruden licejan da sai rusttan diploman, vodel 2004 lopi Samaran valdkundaližen aeroavaruden universitetan. Vozil 2004 da 2005 sai neciš universitetas inženeran da menedžeran kvalifikacijad.

Vodel 2012 lopi Mail'man civilizacijoiden institutan da sai juristan kvalifikacijad.

Vodel 2015 Degt'ar'ov lopi opendust Venäman Voinvägiden Generaližen štaban voinakademijas voinplaniruičendan ližaprogramman mödhe.

Vodel 2017 Degt'ar'ov lopi opendust Venäman Prezidentan Rahvahan elomišton da valdkundaližen služban akademijas da sai "valdkundaližen da municipaližen ohjandusen azjantundii"-kvalifikacijad[1].

Vodelpäi 1999 Degt'ar'ov radoi radiostancijan agentan, turistižen agentan, "Bilain-Samara"-organizacijan inženeran, Samaran rahvahidenkeskeižen aeroavaruden universitetan "Energetižiden ustanovkoiden avtomatižiden sistemoiden" inženeran[1].

Vozil 2000 da 2001 — Vladimir Potaninan Hüväntegijan fondan federaližen programman stipendiat.

Vodel 2004 Degt'ar'ov tegihe Šablon:Нп3 aspirantaks Energetižiden ustanovkoiden avtomatižiden sistemoiden kafedran, a vodelpäi 2008 sirdihe tehnižiden tedoiden tedostepenin ecijaks. Hänel om 22 tedokirjutest, kuna mülüb 5 patentad.

25. redukuspäi vodelpäi 2019 Degt'ar'ov om Venäman Prezidentan Rahvahan elomišton da valdkundaližen služban akademijan valdkundaližen da municipaližen ohjandusen kafedran ecii ilman openduseta aspiranturas.

27. semendkud vodel 2020 Venäman Prezidentan Rahvahan elomišton da valdkundaližen služban akademijas professoran Šablon:Нп3 ohjandusel Degt'ar'ov polesti (onlain) dissertacijad "Sportan antidopingan tegendoiden administrativiž-oiktusiden ohjandusen verazmaine mahtišt"-teman mödhe.

29. kezakud vodel 2020 Degt'ar'ov tegihe juridine tedokandidat.

Mihail Degt'ar'ov Aleksandr Ovečkinanke vodel 2018.

23. redukud vodel 2009 Degt'ar'ov oli valitud Samaran agjan Fehtovanijan federacijan prezidentaks[1][4].

25. tal'vkud vodel 2013 — Venäman prezidentan üleižen znamoičendan aviacijan kehitoitusen küzundoiden laudkundan ühtnik[1]. 10. uhokud vodel 2018 oma pandud toižen kerdan Venäman prezidentan üleižen znamoičendan aviacijan kehitoitusen da navigacionnii-tedotehnologijoiden küzundoiden laudkundaha[1].

12. tal'vkuspäi vodelpäi 2013 — Venäman tedofondan popečitel'skijan nevondištos[1].13. tal'vkud vodel 2018 oma pandud toižen kerdan Venäman tedofondan popečitel'skijaha nevondištoho[1].

Kül'mkus 2014 Degt'ar'ov oli valitud Venäman inženeroiden sebran vice-prezidentaks[1].

Vodelpäi 2017 Venäman Prezidentan fizkul'turan da sportan kehitoitusen nevondišton ühtnik[1][5]. 30. redukuspäi vodelpäi 2018 — Venäman Prezidentan fizkul'turan da sportan kehitoitusen zakonoiden parembzoitusen radgruppan pämez'[1][6].

10. sulakud vodel 2019 Degt'ar'ov mülüškanzi sebran prezidiumaha, mitte oli tehtud ohjandusel[1].

Valdkundaližen avaruz'radon "Roskosmosan"-korporacijan[1].

Kirjoiden avtor:

  • ven.: «От самодержавия личности к самодержавию императора»;
  • ven.: «Пророк в своём Отечестве»;
  • ven.: «Пророк 2.0».

kaks' jäl'gmäšt kirjad om omištadud Vladimir Žirinovskijale. Tedokirjutesiden avtor[1].

Mihail Degt'ar'ov om kandidat Moskvan pämehen sijale vodel 2018

Vozil 2001-2003 — "Šablon:Нп3"-norišton sebran Samaran regionaližen erišton pämez'[1]. Sügüz'kus vodel 2003 tuli "Jedinaja Rossia"-partijaha da "Norišton ühtištuz"-sebraha[1]. "Лента.ру" lehtmehele Ilja Azarale sanui paginas, miše tuli partijaha, sikš ku, konz radoi inženeran, pämez' kerazi kaikid radnikoid da sanui, miše pidab päzuda partijaha, "minä en vastustand necile, sikš ku tugedan Putinan partijad, uskon prezidentale", hot' homaičin, miše olin sigä kaks' vot, da kahtišti mindai tahtoitihe heitta partijaspäi"[7].

Sügüz'kuspäi vodelpäi 2003 tal'vkuhusai 2005 — "Jedinaja Rossia"-partijan "Norišton ühtištuz" Samaran erišton varapämez', pämez', Samaran gubernijan duman norišton parlamentan ühtnik, semendkus vodel 2004 om valitud norišton parlamentan varapämeheks. Ühtni Samaran agjan norišton ühtištusiden tegendaha[1][8].

Vodel 2004 oli valitud Samaran gubernijan duman deputataks Okt'abr'skan ümbrusespäi № 9[1].

Kül'mkus vodel 2005 LDPR-partijan ohajndai Povolžjas, Valdkundaližen Duman deputat Jurii Kogan eci ut kandidaturad ohajndajan sijale da tariči necidä sijad mugažo Degt'ar'ovale[1]. Tal'vkus vodel 2005 Degt'ar'ov tuli LDPR-partijaha. 15. sulakud vodel 2006 oli valitud LDPR-partijan Samaran regionaližen erišton ohjandajaks. Oli Venäman Valdkundaližen Duman deputatan, LDPR-partijan pämehen V. Žirinovskijan abunikan[1].

11. keväz'kud vodel 2007 Degt'ar'ov oli valitud Samaran gubernijan duman nelländan kucundan deputataks agjan valičendümbrusen mödhe LDPR-partijan Samaran regionaližes erištospäi. Samaran gubernijan duman deputat kaikenaigaižel pohjal, tervhuden kaičendan, demografijan da socialižen politikan komitetan varapämez', kul'turan, sportan da norišton politikan komitetan ühtnik, Samaran agjan Norišton regionaližen deputatoiden keradusen varapämez'. LDPR-frakcijan ühtnik[1].

Semendkus vodel 2009 Degt'ar'ov oli valitud Samaran agjan Norišton regionaližen deputatoiden keradusen varapämeheks[1].

Kezakus vodel 2013 LDPR-partijan Moskvan erišt tariči Degt'ar'ovad Moskvan pümehen valičusile. Žirinovskii tariči Degt'ar'ovad kut kaikid norembad kandidatad Moskvan pämehen sijale kaikes pälidnan istorijas da "puhthembad" ristitud[9].

Keväz'kus vodel 2016 Vladimir Žirinovskii nimiti Degt'ar'ovad ühteks kandidataks Venäman prezidentan sijale LDPR-partijaspäi vodel 2018.

Degt'ar'ov ühtni Samara-lidnan pämehen valičusihe[1] в 2006 году и мэра Москвы в 2013[1] и 2018 годах[1].

Ühtnend valičusihe

[vajehta | vajehtada lähtetekst]

Nel'l' kerdad ičeze politižes rados ühtni lidnoiden da regionoiden pämehiden valičusihe.

  • Vodel 2006 Samara-lidnan pämehen valičusil sai 1,71 % än't.
  • Vodel 2013 Moskva-lidnan pämehen valičusil sai 2,86 % än't.
  • Vodel 2018 Moskva-lidnan pämehen valičusil sai 6,72 % än't.
  • Vodel 2021 Habarovskan agjan pämehen valičusil sai 56,81 % än't.

Valdkundaližen Duman deputat

[vajehta | vajehtada lähtetekst]

21. tal'vkuspäi vodelpäi 2011 Degt'ar'ov — Valdkundaližen Duman VI da VII kucundoiden deputat[1].

Vodelpäi 2011 vodhesai 2016 — Valdkundaližen Duman VI kucundan tedon da tehnologijoiden komitetan varapämez'[1].

Vodel 2016 Degt'ar'ov oli valitud Valdkundaližen Duman VII kucundan deputataks federaližen lugetišen mödhe, om pandud Fizkul'turan, sportan, turizman da norišton azjoiden komitetan pämeheks[1].

Habarovskan agjan pämez'

[vajehta | vajehtada lähtetekst]
Mihail Degt'ar'ov radvastusel Vladimir Putinanke, 16.02.2021
Mihail Degt'ar'ov tegese Habarovskan agjan pämeheks, Habarovsk, 24.09.2021

20. heinkud vodel 2020 Venäman prezident Vladimir Putin pani Degt'ar'ovad Habarovskan agjan aigansijaližeks pämeheks jäl'ghe enččen pämehen Sergei Furgalan pidätandad[1].

21. heinkud vodel 2020 Degt'ar'ov oli ezitadud Habarovskan agjan valdemištole.

Oldes aigansijaližen pämehen Degt'ar'ov vedi ičtaze rohktas vastustuzpidäjidenke, hän ei tulend rahvahannoks, sanui, miše "hänel om toine rad, hän ei tahtoi lähtta da pagišta ristituidenke, kudambad kidastaba iknan al", homaiči, miše lähtta rahvahannoks ei ole oiged da korrektine paginan format. Degt'ar'ov tuli pagižmaha vastustupidäjidenke nedališ päliči jäl'ghe hänen panendad pämehen sijale, 26. heinkud. Jäl'ghe necidä Degt'ar'ov äi kerdoid sanui, miše vastustusiden pämehed oma provokatorad.

18. elokud vodel 2020 Degt'ar'ov sanui Rahvahaližen nevondišton tegemižes da kucui sihe Habarovskan agjan vastustuzpidäjid eläjid.

Jäl'ghe panendad uz' aigsijaline pämez' sanui, miše enzne valdmehišt jatktab radod. Udel kul Degt'ar'ov žal'l'oičihe toroihe Habarovskan ministroiden polespäi, a mugažo vajehti kaks' valdmehišton varapämehed, pämehen nevonikad da tervhuz'kaičendan ministrad.

19. kezakud vodel 2021 Degt'ar'ov oli oigetadud kandidataks Habarovskan agjan valičusil.

19. sügüz'kud vodel 2021 Degt'ar'ov vägesti valičusil, hänes änesti 56,81 % mest.

24. sügüz'kud vodel 2021 Degt'ar'ov tegihe Habarovskan agjan pämeheks.

15. kül'mkud vodel 2021 Venäman prezidentan käsköl Degt'ar'ov mülüškanzi Venäman Valdkundaližehe Nevondištoho.

Venäman sportan ministr

[vajehta | vajehtada lähtetekst]

11. semendkud vodel 2024 Venäman valdmehišton pämez' Mihail Mišustin tariči panda Degt'ar'ovad sportan ministran sijale. Degt'ar'ov toivoti, miše tuldes Sportministerstvaha kehitoitaškandeb sportad rahvahn keskes.

14. semendkud vodel 2024 Venäman Valdkundaližen Duman deputatad vahvištoitiba Mihail Degt'ar'ovad Sportministerstvan pämehen sijale, necil-žo päiväl Venäman prezident allekirjuti käskön hänen panendas.

17. redukud vodel 2024 Venäman tennisan federacijan pämez' pagištes fizkul'turan da sportan kehitoitusen nevondišton ištundal Ufa-lidnas, tariči Mihail Degt'ar'ovan kandidaturad prezidentan sijale. Venäman prezident Vladimir Putin, kudamb oli ištundal, sanui, miše necidä idejad pidab tarkašti kacta.

13. tal'vkud vodel 2024 Mihail Degt'ar'ov oli valitud Venäman olimpikkomitetan prezidentaks jogavoččel Olimpikkeradusel Moskvas.

Om mel'pidoid, miše Degt'ar'ov tegese tehtud ministerstval Venäman sportfondan pämeheks.

Personaline elo

[vajehta | vajehtada lähtetekst]

Ak — Galina Viktorovna Degt'ar'ova[1], Samaran "Puziko"-laukan tegii tulebiden mamoiden täht (lauk om mödud vodel 2014). Kazvatab nel'l' poigad. Vodelpäi 2020 eläb kanzanke Habarovskas.

Pagižeb anglijan kelel[1].

Rahvahidenkeskeižed sankcijad

[vajehta | vajehtada lähtetekst]

Om pandud Jevrosojuzan (26. heinkud vodel 2014)[10][11][12], Avstralijan (30. elokud vodel 2014)[13], Šveicarijan (5. elokud vodel 2014)[14] da Kanadan (6. elokud vodel 2014) sankcijoiden lugetišehe.

12. keväz'kuspäi vodelpäi 2022 om Jevropalaižen ühtištusen kaikiden valdkundoiden sankcijoiden lugetišes, 16. sügüz'kuspäi vodelpäi 2022 — Velikobritanijan sankcijoiden al, 16. keväz'kuspäi vodelpäi 2022 — Šveicarijan sankcijoiden al, 1. redukuspäi vodelpäi 2020 — Avstralijan sankcijoiden al.

21. kezakuspäi vodelpäi 2018 om Ukrainan sankcijoiden al, 3. semendkuspäi vodelpäi 2022 — Uden Zelandijan sankcijoiden al.

24. uhokud vodel 2023 Amerik pani Degt'ar'ovad sankcijoiden lugetišehe.

Keväz'kus vodel 2025 Jevropalaine ühtištuz heiti Degt'ar'ovad sankcijoiden lugetišespäi Vengrijan pakičusen mödhe.

18. keväz'kud vodel 2025 Šveicarii heiti Mihail Degt'ar'ovad sankcijoiden lugetišespäi.

Venäman Polestuzministerstvan medal' "Kriman pärdatuses"
  • Sebruden orden.
  • Venäman Prezidentan arvkirjeine (4. sulakud vodel 2014) — äivoččes hüväs rados da aktivižes kundaližes rados.
  • Venäman Prezidentan kitändkirjeine (25. sügüz'kud vodel 2014) — aktivižes zakonoiden tegemižes, oiktusiden vahvištamižes da rahvahan melentartusiden polestamižes, äivoččes hüväs rados.
  • Venäman Polestuzministerstvan medal' "Kriman pärdatuses".
  • Venäman Äkkiližiden azjtegoiden ministerstvan 28. kezakun voden 2017 medal' "Ühthižrados kaičemižeks".
  • Venäman Polestuzministerstvan medal' "Voinoperacijan ühtnikale Sirijas".
  1. 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 Дегтярёв, Михаил Владимирович Šablon:Wayback // Энциклопедия ТАСС
  2. ↑ Указ Президента РФ от 25 апреля 2011 г. N 523 «О награждении государственными наградами Российской Федерации» Šablon:Wayback — Официальный сайт Президента Российской Федерации
  3. ↑ Дегтярёва Светлана Михайловна Šablon:Wayback // Kleos.ru
  4. ↑ Глава комитета ГД по спорту Дегтярев вошёл в состав правления ФХР Šablon:Wayback // ТАСС, 12.04.2018
  5. ↑ Указ Президента Российской Федерации от 27.12.2017 № 633 Šablon:Wayback — Официальный портал правовой информации.
  6. ↑ Распоряжение Президента Российской Федерации от 30.10.2018 № 319-рп Šablon:Wayback — Официальный интернет-портал правовой информации
  7. ↑ Илья Азар «Россия будет флагманом борьбы с Антихристом». Интервью с кандидатом в мэры Москвы Михаилом Дегтяревым Šablon:Wayback // Лента.ру, 16.08.2013
  8. ↑ Молодёжный парламентаризм в современной России Šablon:Wayback ГБУ СО «Агентство по реализации молодёжной политики»
  9. ↑ Жириновский выдвинул в мэры Москвы молодого депутата Дегтярёва Šablon:Wayback// НТВ
  10. ↑ Council Implementing Regulation (EU) No 810/2014 of 25 July 2014 Šablon:Wayback//EUR-Lex
  11. ↑ Михаил Дегтярев попал в «черный список» ЕС Šablon:Wayback//Коммерсант
  12. ↑ Дегтярев: «Санкции ЕС — это конец свободной Европы» Šablon:Wayback//Известия
  13. ↑ Австралия обнародовала фамилии россиян из нового санкционного списка Šablon:Wayback//РБК
  14. ↑ Правительство Швейцарии расширило санкционный список против РФ Šablon:Wayback//ИТАР-ТАСС
Om sadud "https://vep.wikipedia.org/w/index.php?title=Degt%27ar%27ov_Mihail_Vladimirovič&oldid=179166"