Empair Steit Bilding

Vikipedii-späi
Pertin nägu Rokfeller-sauvusen pälpäi

Empair Steit Bilding (angl.: Empire State Building) om 103-žiruine üläkorged pert' Nju Jork-lidnan keskuzpalan pohjoižes, Manhetten-sarel (AÜV). Valdkundan i mail'man kaikiš korktemb pert' vll 1931−1970, Nju Jorkan kaikiš korktemb pert' vll 2001−2012. Nügüd'aigan se om koumanz' kortte AÜV:oiš. Adres om Videnz' avenü, 350.

Istorii[vajehta | vajehtada tekst]

Sauvuz om projektiruidud «Shreve, Lamb and Harmon»-kompanijal. Pert' om saudud ar-deko-stiliš, letihe vll 1929−1931. Nimitihe Nju Jork-štatan närituznimen mödhe (angl.: Empire State «imperine štat»). Sauvond maksoi US$41 mln (US$629 mln vn 2014 arvoil). Pert' om sätud neniš päsauvondmateriališpäi: teraz, alüminii, beton, ozrikkivi, mouckivi.

Vaumičendan jäl'ghe andoihe kortomha kaikid honusid kümnes vodes Suren depressijan tagut. Pert' kändihe sal'hekahaks sen ezmäižen täuden möndan jäl'ghe vl 1951.

Ümbrikirjutand[vajehta | vajehtada tekst]

Üläkorged pert' mülüb AÜV:oiden muštnikoiden nimikirjuteshe vn 1986 kezakuspäi. Honused kävutasoiš ofisoikš, niiden ühthine pind om 208 879 m².

Pertin katusen korktuz om 381 m, ühthine korktuz — 443 m (vspäi 1951). «Empair Steit Bilding» oli mail'man kaikiš korktembaks sauvuseks vll 1931−1954, pertikš — vhesai 1970. Sauvuz om 129 m levette. Kaik 73 liftad ratas pertiš.

Galerei[vajehta | vajehtada tekst]

Homaičendad[vajehta | vajehtada tekst]


Irdkosketused[vajehta | vajehtada tekst]