Ann Arbor

Vikipedii-späi
(Oigetud lehtpolelpäi Enn Arbor)
Ann Arbor
Valdkund Amerikan Ühtenzoittud Valdkundad
Eläjiden lugu (2020) 123,851 ristitud
Pind 75,35 km²
Ann Arbor
Pämez' Kristofer Teilor
(kül'mku 2014—,
Christopher Taylor)
Telefonkod +1−734
Aigvö tal'vel UTC−5,
kezal UTC−4


Lidnan i ümbrikon sijaduz štatas (2019)

Ann Arbor (mugažo anglijan kelel, virktas [(ˌ)æn-ˈɑːrbər]) om AÜV:oiden lidn Mičigan-štatan suvipäivnouzmas, Detroitan päivlaskmaine ezilidn. Štatan videnz' lidn eläjiden lugun mödhe. Mülüb Uoštino-ümbrikho i om sen administrativižeks keskuseks.

Istorii[vajehta | vajehtada tekst]

Nügüdläižen eländpunktan aluz om pandud kahtel man möjal vl 1824 kuti angl.: Annarbour, heiden nimed oma Džon Allen (John Allen) i Eliša Ramzi (Elisha Walker Rumsey). Eländpunkt oli registrirudud küläks vl 1833. Mičiganan universitetan[1] päine kampus sijadase lidnas vspäi 1837, mugažo sen universitetan Čomamahtoine muzei i Detroitan observatorii. Ann Arbor om lidnan statusanke vspäi 1851.

Ann Arbor šingotase Mičiganan universitetal, se sädab 30 tuhad radinsijid, niiden kesken 12 tuhad oma medicinižes keskuses. Läz 37 tuhad üläopenikoid oliba registriruidud lidnas vl 2000 (koume eläjad kümnespäi). Con-way-kompanijan (logistik) i Domino’s Pizza-kompanijan (kirhuližen sömižen restoranoiden verk) päfaterad oma saudud lidnas. Korktoiden tehnologijoiden kompanijad baziruišoiš lidnas 1930-nziš vozišpäi, nügüd' ned oma elektrotehnižhe i informacižhe sarakoihe sidodud.

Geografijan andmused[vajehta | vajehtada tekst]

Lidn sijadase Guron-jogen randoil (angl.: Huron River 210 km pitte), om levitadud 230..309 m ü.m.t. korktusil. Matkad Detroitan keskushesai om 56 km päivnouzmha, sen pertišthosai om 12..15 km päivnouzmha. Štatan administrativine Lansing-keskuz om 85 kilometras lodeheze orhal vai 107 km avtoteidme.

Klimat om ven kontinentaline Suriden järviden valatoitusenke. Voden keskmäine lämuz om +9,3 C°, kezakun-elokun +20..+22 C°, tal'vkun-uhokun −2..−4 C°. Ekstremumad oma −31 C° i +41 C°. Paneb sadegid 972 mm vodes, enamba sulakus-elokus (87..99 mm kus), vähemba uhokus (64 mm).

Eläjad[vajehta | vajehtada tekst]

Vn 2010 AÜV:oiden rahvahanlugemižen mödhe lidnan eläjiden lugu oli 113 934 ristitud. Kaikiš suremb lidnan ristitišt om nügüd'. Läz 370 tuhad eläjid om ezilidnoidenke (2020).

Sebruzlidnad[vajehta | vajehtada tekst]

Homaičendad[vajehta | vajehtada tekst]

  1. Mičiganan universitetan sait (umich.edu). (angl.)

Irdkosketused[vajehta | vajehtada tekst]