Zor'alinduine

Valdkund:	Živatad
Tip:	Sel'gjäntkeižed (Chordata)
Klass:	Lindud (Aves)
Heimkund:	Pasklindunvuiččed (Passeriformes)
Sugukund:	Kärbhaižidenpüdaižed (Muscicapidae)
Heim:	Zor'alinduižed (Erithacus)
Erik:	Zor'alinduine

Latinankel'ne nimi

Erithacus rubecula (Linnaeus, 1758)

Areal

Pezoitelendan areal Elämine vodes läbi Tal'vdund

Sistematik
Vikierikoiš

Kuvad
Vikiaitas

ITIS 559964

NCBI 37610

Zor'alinduine (latin.: Erithacus rubecula) om levitadud kezalind. Erik om üks'jäine Erithacus-heimos toštmižklassifikacijan jäl'ghe. Mülütadas Kärbhaižidenpüdaižed-sugukundha. Lugetas seičemespäi kümnehesai alaerikod.

Leviganduz

Lind eläb Evropas, Päivlaskmaižes Azijas i Afrikan pohjoižes. Kezalind pördutase pohjoižmaihe ezmäižiden keskes. Pezoitelese nepsoiš lehtesižiš i segoitadud mecoiš tihedanke alamecanke, läz vezištoid, ristituiden ižanduzsauvusiš, ei varakoi heiden olemišt.

Zor'alinduižiden introduciruindan naprindad oliba satusetomad 19. voz'sadan kahtendes poles Avstralijan suves, Udes Zelandijas i Pohjoižamerikan venos vönes.

Ümbrikirjutand

Zor'alinduižen hibjan üläh om hahkvihand, pök om vauged. Käpšud oma pit'kahkod. Lindun oc, kurk, rindaz i pän poled oma rusttad mujul, n'ok i sil'mad oma mustad. Ižačun mujud oma loštamb mi emäčun päiči rauhiš eričuiš, pohjoižen eričuiden höunhišton mujud voidas olda loštamb mi suven. Noriden linduiden höunhišt om läipoikaz koričma-vauged, ruskedpakuižed läipad ozutaškandesoiš aigan mändes^[1]. Molembad sugud pajatadas, no ižačud erazvuiččemb.

Täuz'kaznuden lindun hibj om 12,5..14 sm pitte, 16..22 g vedutte, suugiden maihutuzkeskust sase 20..22 santimetrad. Oleleb viž..kahesa munad pezas, munind haudutase 13..14 päivest, emäč kazvatab poigaižid ižačuta, ned jädas pezas vižtoštkümne päiväd. Södas maspäi gavedid, čunz'uid i edenoid, sötlesoiš marjoil-ki sügüzel.

Galerei

Järgeližen kägen (Cuculus canorus) muna zor'alinduižen munindas, Romanii, 1925
Peza munindanke, Slovenii
Zor'alinduine ištub pun oksal, Moskv

Homaičendad

↑ Hume, R. RSPB Birds of Britain and Europe (Britanijan i Evropan lindud). — London : Dorling Kindersley, 2002. — Lp. 263. ISBN 978-0-7513-1234-8. (angl.)

Zor'alinduine Vikiaitas

[1] Hume, R. RSPB Birds of Britain and Europe (Britanijan i Evropan lindud). — London : Dorling Kindersley, 2002. — Lp. 263. ISBN 978-0-7513-1234-8. (angl.)

[1]