Essoil
| Valdkund | Venäma |
| Eläjiden lugu (2013) | 1,742 ristitud |
 | |
| Avtokod | 10 |
| Aigvö | UTC+3 |
Essoil (ven.: Э́ссойла, karj.: Jessoilu / Dessoilu) om žilo Karjalan Tazovaldkundan Präžän rahvaližen rajonas, «Petroskoi — Sojärv»- i «Essoil — Nuožjärv»-avtotekeskustan risttel. Se mülüb Essoilan küläkundha.
Istorii
[vajehta | vajehtada lähtetekst]Essoil mainitase kirjutadud purtkiš vspäi 1582. Siloi kaks' küläd oliba: Essoil i Ugmoil nügüdläižen žilon sijas[1].
Vl 1896 škol-internat avaiži uksid Ugmoilas[1].
Vll 1927−1930 žilo oli Karjalan Sämjärven rajonan administrativižeks keskuseks.
Suren sodan aigan Suomenman armii anasti žilod vl 1941. Vl 1944 Rusked Armii anasti Essoilad tagaze. Toran aigan žilo paloi[2].
Essoil-žilon ižandusen sarakod oma mecan varhapanend i pumaterialan ümbriradmine, sömän pästand, turizm, maižanduz.
Geografijan andmused
[vajehta | vajehtada lähtetekst].svg)
Žilo sijadase rajonan lodehes, Sämjärven suvižel randal. Matkad rajonan administrativižhe Präž-keskushesai om 25 km suvipäivnouzmha orhal vai 57 km avtoteidme.
Kaik om 17 nimitadud irdad žilos.
Eläjad
[vajehta | vajehtada lähtetekst]Vl 1873 žilon eläjiden lugu oli 299 ristitud, heišpäi kaik kirjutihe karjalaižikš[3]. Vl 1926 Essoilan eläjiden lugu oli 225 ristitud, heišpäi 182 kirjutihe karjalaižikš i 10 kirjutihe venälaižikš[4]. Vl 2002 Venäman rahvahanlugemižen mödhe žilon eläjiden lugu oli 2 009 ristitud. Vl 2008 žilon eläjiden lugu oli 2 151 ristitud[5]. Vl 2009 žilon eläjiden lugu oli 2 204 ristitud. Vodele 2013 ristitišt poleni i oli 1 742 eläjad.
Eländpunktas oma Teremok-päivkodi, Essoilan keskškol, počt[6], karjalan kelen i kul'turan Livvin keskus-aluzkund, kul'turan Kielen kirju-keskuz, om laukoid.
Transport
[vajehta | vajehtada lähtetekst]Žilos om Oktäbrin raudten ühtennimine Essoil-stancii «Petroskoi — Sojärv»-jonol.
Tetabad sündnuded
[vajehta | vajehtada lähtetekst]- Aleksandr Volkov (1928−2020) — Karjalan kirjutai, runokirjutai, kändai i mecančapai.
Homaičendad
[vajehta | vajehtada lähtetekst]- 1 2 Essoil: rahvahaližen žilon eriližused ptzgovorit.ru-saital. (ven.)
- ↑ Essoil livejournal.com-saital. (ven.)
- ↑ Venäman imperijan eländpunktoiden nimikirjutesed elib.rgo.ru-saital. (ven.)
- ↑ Karjalan ANST:n eländpunktoiden nimikirjutez elib.rgo.ru-saital. (ven.) (suom.)
- ↑ Essoilan küläkund — küläkundan polhe essoila-pos.ucoz.ru-saital. (ven.)
- ↑ Essoil-žilos kohenziba počtad tv-karelia.ru-saital. (ven.)
 |
Essoil Vikiaitas |