Faizullin Irek Envarovič
| Irek Envarovič Faizullin | |
| tot.: Ирек Әнвәр улы Фәйзуллин | |
 | |
| radmižen toižend: | |
|---|---|
| sündundan dat: |
8. tal’vku 1962 |
| sündundan sijaduz: | |
| valdkund: |
|
 Irek Envarovič Faizullin VikiAitas | |
Irek Envarovič Faizullin (ven.: И́рек Энва́рович Файзу́ллин) — venälaine valdmez', Venäman sauvondan da kodikommunaližen elomišton ministr 10. kül'mkuspäi vodelpäi 2020.
Ende, 22. vilukuspäi 10. kül'mkuhusai vodel 2020, — Venäman sauvondan da kodikommunaližen elomišton ministran ezmäine varapämez'[1]. Faizullinan rad nelläs vodes ministran radsijal om lugetud hüväks da semendkus vodel 2024 Venäman uden valdmehišton tegendan aigan hän om udespandud federaližen ministran radsijale.
Elostarin
[vajehta | vajehtada lähtetekst]Vodel 1985 Irek Faizullin lopi Kazanin inžener-sauvondan institut «tegeline da rahvahaline sauvond» special'nostin mödhe; ekonomiktedon kandidat; docent. Jäl'ges läz 35 vot hänen karjer mäni Tatarstanas.
Vozil 1985—1989 inžener, Kazanin inžener-sauvondan institutan metellkonstrukcijoiden da sauvotusiden kodvusen tedokundan vanhemb inžener. Vozil 1989—1993 — päinžener, projekt-sauvondan Tatstroiprojekt-organizacijan pämez'. Vozil 1993—1995 — Tatstroiprojekt-organizacijan ohjandusen pämez'. Vozil 1995—1997 — Kazstroidekor-organizacijan ohjandusen pämez'. Vozil 1997—2002 — Tatavtodor-organizacijan ezmäine varapämez'.
Vodelpäi 2002 vodehesai 2005 Faizullin radoi Valdkundaližen territorialine projekt-icindan tedotegendan Tatinvestgraždanprojekt-päfirman pämehen.
Vozil 2005—2010 oli Tatarstanan Valdkundan sauvondan, arhitekturan da kodikommunaližen elomišton ministran varapämez', Tatarstanan Valdkundan päarhitektoran, Tatinvestgraždanprojekt-ohjandusen pämez'.
Vozil 2010—2020 Faizullin oli Tatarstanan Valdkundan sauvondan, arhitekturan da kodikommunaližen elomišton ministran, Tatarstanan Valdkundan päarhitektoran.
Vodel 2020 — Venäman sauvondan, arhitekturan da kodikommunaližen elomišton ministran ezmäine varapämez' — Venäman regionaližen kehitoitusen valdkundaližen komissijan prezidiuman vapapämez'[1].
10. kül'mkud vodel 2020 Venäman prezidentan käskon mödhe Faizullin om pandud Venäman sauvondan da kodikommunaližen elomišton ministraks. 14. semendkud vodel 2024 Valdkundaline Duma udespani händast Venäman sauvondan da kodikommunaližen elomišton ministraks, sidä päiväl prezident Putin allekirjuti käskon hänen panendas[1].
Vodelpäi 2020 Faizullin —kompanijan nevondišton ühtnik[1][2].
Venäman motosportan federacijan holetuzpidändan nevondišton varapämez'[1].
Kanz
[vajehta | vajehtada lähtetekst]Irek Faizullin om nainu, om poig da tütär.
Pauklahjad
[vajehta | vajehtada lähtetekst]- Medal' «Panendas Dagestan Valdkundan social'no-ekonomižehe kehitoitusehe» (13. sügüz'kud vodel 2024) — sures panendas Dagestan Valdkundan ekonomižen potencialan kehitoitusehe da arvtegoiš valdkundaližes rados;
- Venäman valdmehišton arvkitändkirjeine (2. redukud vodel 2024) — sures panendas vaumičendaha da mänetandaha III Rahvahidenkeskeišt sauvondan čempionatad Piteriš vodel 2023[3].