Glivice

Glivice
Gliwice
Lidnanznam;	Flag;
Valdkund	Pol'šanma
Eläjiden lugu (2021)	175,102 ristitud
Pind	134,2 km²
Pämez'	Adam Noimann; (viluku 2020—,; Adam Neumann)
Telefonkod	+48−32
Aigvö	tal'vel UTC+1,; kezal UTC+2

Glivice (pol'š.: Gliwice [ɡlʲiˈvʲit͡sɛ]; saks.: Gleiwitz, vepsän kirjamil: Gläivic) om Pol'šanman lidn (vn 1945 keväz'kuspäi) valdkundan suves, mülüb Silezijan sodaveikundha vspäi 1999. Om povätan oiktusidenke.

Istorii

Eländpunkt om olmas lidnan oiktusidenke vspäi 1276. Mülüi Prussijha vspäi 1742, oli Germanijan territorijal vspäi 1871. Edel Tošt mail'man sodad sen aigan Gläivic sijazihe ani Pol'šanman valdkundröunanno. Vn 1945 elokuspäi saksan ristitišt oli deportiruidud lidnaspäi Saksanman Britanijan okkupacijan zonha (Saksanman lodeheze).

Lidn vastsi Lapsiden Evrovizii-konkursad vn 2019 kül'mkus.

Glivice šingotase «General Motors»-korporacijan avtotegimel («Opel»-torguindmarkan avtod), japonižen NGK-kompanijan tegimel (fil'trad, katalizatorad, NOx-andimed avtoiden täht), cisternoiden i sauvondtehnikan pästandal, kivihilen «Sosnic»-kaivudel. Pol'šanman himižiden reagentoiden tegijan päfater radab lidnas.

Geografijan andmused

Lidn sijadase sodaveikundan keskuzpalas, seižub Klodnic-jogen randoil (pol'š.: Kłodnica, Oderan oiged ližajogi), 200..278 m korktusil valdmeren pindan päl.

Matkad sodaveikundan Katovice-keskushesai om kaks'kümne viž kilometrad päivnouzmha.

Eläjad

Vn 2011 Pol'šanman rahvahanlugemižen mödhe lidnalaižiden lugu oli 195,472 ristitud, vn 2020 — 177,049 ristitud. Kaik 182,969 eläjad oli lidnas vl 2016. Kaikiš suremb lidnan ristitišt oli 223,403 eläjad vl 1988. Se om Üläsilezijan konurbacijan (2 mln ristituid) koumanz' surtte lidn.

Religijan mödhe (2011): katolikad — 82,7 %, toižed uskojad — 2,0 %, religijatomad — 15,3 %.

Galerei

Lidnan tobmuden sauvuz Vanhal torgusen torgul (2020)
Administrativine käskuzkund Pilsudskin torgunno (2013)
Phh. Petr- da Pavel-apostoloiden kafedraline päjumalanpert' (riman katioline), vn 2025 nägu
Silezijan politehnižen universitetan kirjišt (2019)
Äimetoine Hala Gliwice-aren (vn 2017 olend)
Glivice-päraudtestancijan sauvuz vl 2019
Glivicen transportshem (2024)

Irdkosketused

Lidnan oficialine sait (gliwice.eu). (pol'š.) (angl.) (saks.) (fr.) (ven.)

Glivice Vikiaitas