Hüvinkä

Hüvinkä
Hyvinkää (suom.)
Hyvinge (roč.)
Lidnanznam;	Flag;
Valdkund	Suomenma
Eläjiden lugu (2024)	47,035 ristitud
Pind	336,77 km²
Pämez'	Johanna Luukkonen; (2021—)
Telefonkod	+358−19
Aigvö	tal'vel UTC+2,; kezal UTC+3

Hüvinkä (suom.: Hyvinkää [ˈhyʋiŋkæː], roč.: Hyvinge [²hyːˌvɪŋːɛ]) om Suomenman lidn valdkundan suves, sen Udenma-provincijan pohjoižröunanno. Mülüb Sur' Hel'sinki-aglomeracijha (1,62 mln eläjid), valdkundan 23nz' lidn eläjiden lugun mödhe.

Istorii

Eländpunktan oficialine aluz om pandud vl 1917, šingotihe raudtestancijal i villfabrikal. Se sai lidnan statusad vl 1960.

Kone-kompanijan portallibutimiden tegim radab lidnas, Isover-kompanii pästab lämuzizoläcijad, «Myllyn Paras»-brendan kaks' tegint om saudud (villän ümbriradmine, pudr, hel'pked). Lidnan sijaduz manteidenno i raudteidenno ezimeleti šingotest lebutahoks.

Geografijan andmused

Lidn sijadase 100 m ü.m.t. keskmäižel korktusel.

Matkad Hel'sinkin keskuzpalhasai om vižkümne viž kilometrad suvhe avtotedme vai raudtel. Lähembaine lidn om Regimägi kümnes kilometras pohjoižhe.

Vn 2022 andmusiden mödhe lidnan kogonaine pind oli 336,77 km², sidä kesken kuiv ma — 322,69 nellikkilometrad, sokaz ma — 14,08 km².

Tobmuz

Hüvinkän municipaline suim kogoneb 51 ezitajaspäi.

Edeline lidnan pämez' om Jurki Mattila (2013, viluku 2016 — 2021).

Eläjad

Vl 1980 lidnankundan eläjiden lugu oli 37 297 ristitud, vl 2000 — 42 545 ristitud, vl 2010 — 45 489 ristitud, vl 2020 — 46 507 ristitud. Kaikiš suremb lidnan ristitišt om nügüd'.

Mamankelen mödhe (2016): suomen kel' — 93,9 %, ročin kel' — 0,8 %, toižed keled — 5,3 %.

Mamankelen mödhe (2024): suomen kel' — 90,4 %, estin kel' — 1,2 %, venän kel' — 1,2 %, ročin kel' — 0,9 %, ukrainan kel' — 0,7 %, albanijan kel' — 0,6 %, araban kel' — 0,5 %, toižed keled — 4,5 %.