Huigal'p

Huigal'p
Juigalpa
	Flag;
Valdkund	Nikaragua
Eläjiden lugu (2020)	53,113 ristitud
Pämez'	Augusto Ajala Kalero; (2008—,; Augusto Ayala Calero)
Telefonkod	+505-
Aigvö	UTC−6

Huigal'p (isp.: Juigalpa [xwiˈɣalpa]) om lidn da municipalitet Nikaraguan keskuzpalan suvipäivlaskmas. Se om Čontales-agjan administrativine keskuz (vspäi 1877) da kaikiš suremb lidn eläjiden lugun mödhe.

Istorii

Ispanijan hogahtusen aigale indejalaižiden kund oli siš tahondas. Eländpunktan aluz om pandud vn 1668 24. päiväl sulakud. Nimi libub nahuatl'-kelen Xiwikalpan-nimitusespäi. Anttihe penen lidnan statusad (isp.: villa) vl 1862, om lidnan statusanke (isp. ciudad) vspäi 1879.

Huigal'p šingotase erazvuiččil kommertižil holitišil, om maižanduzrajonan (lehmänliha) i kaivuztegimišton keskuseks.

Geografijan andmused

Lidn sijadase municipalitetan pohjoižes, agjan päivlaskmas, 130 m, municipalitet — 123 m ü.m.t. keskmäižel korktusel, taholižen Amerrike-mägisel'gan ezimägišton alangištos.

Matkad lidnaspäi Managuahasai om kahesakümne kahesa kilometrad päivlaskmha orhal vai 140 km avtotedme.

Nikaragua-järven pohjoižpäivnouzmaižen randan pala mülüb lidnankundha sen suvipäivlaskmas.

Eläjad

Vl 2013 arni lidnan eläjiden lugu oli 46,394 ristitud, vl 2020 — 53,113 ristitud. Kaik 61,075 ristitud (agjan kaks' videndest) elihe Huigal'pan municipalitetas vl 2020 726,8 km² pindal, agjan (departamentan) koumandez. Zoopark radab lidnas.

Dominirui religii om katoline jumalankodikund. Toižed oma protestantizman evangelistoiden jumalankodikund, mormonad, Jehovan todištajad.

Valdkundan i Keskuzamerikan universitetoiden kuz' filialad ratas lidnas.

Irdkosketused

Lidnan tobmuden sait (juigalpan.gob.ni). (isp.)

Huigal'p Vikiaitas