Bergman Ingmar

Bergman Ingmar
roč.: Ernst Ingmar Bergman
Ingmar Bergman vn 1966 redukus
nimi sündundan jäl'ghe:	roč.: Ernst Ingmar Bergman
radmižen toižend:	fil'moiden režissör, teatrilavastaja, scentarist, näitekirjanik, akt'or, filmiprodutsent, autobiograaf, režissöör, kirjutai, filminäitleja, filmistsenarist, teatrijuht
sündundan dat:	14. heinku 1918
sündundan sijaduz:	Uppsal, Ročinma
valdkund:	Ročinma
kolendan dat:
kolendan sijaduz:	Fårö parish[d], Region Gotland[d], Ojamaa lään[d], Ročinma
tat:	Erik Bergman[d]
mam:	Karin Bergman[d]
avtograf:
sait:	ingmarbergman.se
Bergman Ingmar VikiAitas

Ernst Ingmar Bergman (mugažo ročin kelel, virktas [ˈɪŋmar ˈbærjman]; sünd. 14. heinku 1918, Uppsal, Ročinma — kol. 30. heinku 2007, Forö-sar' Gotland-sarenno, Ročinma) — oli ročine teatran, fil'miden i teleradion režissör, kinoscenarijoiden i p'jesiden kirjutai. Sai «Oskar»-premijad vll 1961, 1962 i 1984 parahimas verazmaižes fil'mas, da anttihe Bergmanale äjid toižid arvlahjoid hänen kinoradmižes.

Biografii

Ingmar oli sündnu lüteranižen Erik Bergman-pastoran i Karin Bergman-medsizaren (neiččel Okerblum) pereheze. Prihal oli Dag-veik i Margareta-sizar. Nor' Ingmar tegi navedijan mul'tfil'mid i oli otnus tätüteatran dekoracijoihe opeten gimnazijas sil-žo aigal. Vl 1937 Bergman ühtni Stokhol'man universitetižhe kolledžha (nüg. Stokhol'man universitet), no taci opendust teatrha näht.

Kar'jer jätkustui vozil 1944−2005. Ingmar Bergman sädi enamba 60 avtorfil'mid, iče kirjuti niiden scenarijad tobjimalaz. Enamba mi sada seičemekümnen teatraližen lavastusen tegijan. Ročinman akt'orad edestiba rolid hänen fil'miš, Bergman radoi Sven Nükvist-operatoranke pit'kan aigan.

Režissör oli naižiš viž kerdad, ühesa last sünduihe naimiželoiš. Lapsed kändihe kul'turan da čomamahton šingotajikš mugažo päpaloin.

Valitud fil'mografii režissöraks da scenaristaks

• «Krizis» (1946, roč.: Kris)
• «Laiv Indijhasai» (1947, Skepp till India land)
• «Manzikpallišt» (1957, Smultronstället)
• «Neidižpurde» (1960, Jungfrukällan, sai vn 1961 Oskar-premijad)
• «Häipäkos stöklas läbi» (1961, Såsom i en spegel, sai vn 1962 Oskar-premijad)
• «Vaittiolend» (1963, Tystnaden)
• «Händikahan čas» (1968, Vargtimmen)
• «Šuhaidused i kidastused» (1972, Viskningar Och Rop)
• «Sügüz'line sonat» (1978, Höstsonaten)
• «Marionetiden elospäi» (1980, Aus Dem Leben Der Marionetten)
• «Fanni i Aleksandr» (1982, Fanny Och Alexander, sai vn 1984 Oskar-premijad)
• «Saraband» (2003, Saraband)

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.