Izobil'nii

Izobil'nii
Изобильный
Lidnanznam;	Flag;
Valdkund	Venäma
Eläjiden lugu (2025)	37,450 ristitud
Pind	28,0 km²
Telefonkod	+7−86 545-xx-xxx
Avtokod	26, 126
Aigvö	UTC+3 (MSK+0)

Izobil'nii (ven.: Изоби́льный) om Venäman lidn Stavropolin randan lodehes. Se om Izobil'nijan lidnümbrikon (edel 2017. vot — rajonan, mülüi sihe) administrativižeks keskuseks da palaks.

Istorii

Eländpunktan aluz om pandud vl 1895 kuti Izobil'no-Tiščenskii-žilo (ven.: посёлок Изобильно-Тищенский). Kätihe rajonkeskuseks vl 1929. Udesnimitihe Izobil'noje:ks vl 1935. Žilo sai lidnan statusad nimen nügüdläiženke variantanke vn 1965 9. päiväl redukud.

Izobil'nii šingotase kaikenvuiččel sömtegimištol (saharan tegim, lihakombinat, leibtegim, sömkombinat, villänpurnud), mugažo «Atlant»-tegim^[1] (avtoveimed, elektroühtenzoituzladimed, štampad) i Stavropolin mehanine tegim (mašiništ kazvatamha kalad) ratas. «Sinivauvaz valu»-gazanveim zavodiše läz lidnad.

Geografijan andmused

Lidn sijadase lidnümbrikon keskuzpalas, 200 m ü.m.t. keskmäižel korktusel.

Matkad Stavropolihesai om nell'kümne kilometrad suvipäivnouzmha orhal, avtotedme vai raudtedme. Lähembaižed lidnad oma Stavropol' i Mihailovsk suvipäivnouzmha, Novoaleksandrovsk päivlaskmha. Raudtestancii nimitase Izobil'nai (ven.: Изобильная), radaškanzi vl 1895.

Eläjad

Vn 2010 Venäman rahvahanlugemižen mödhe lidnan eläjiden lugu oli 40 555 ristitud (kaikiš suremb ristitišt), rajonan kaks' videndest, vn 2021 — 38 614 ristitud. Kaik 38 263 eläjad oli lidnas vl 2017.

Rahvahad (enamba 1 % vl 2010): venälaižed — 91,1 %, armenijalaižed — 2,9 %, čiganalaižed — 1,6 %, ukrainalaižed — 1,2 %, toižed rahvahad — 2,8 %, rahvahuden ozutandata — 0,4 %.

Ortodoksižen hristanuskondan kaks' pühäpertid^[2] oma letud lidnas: Spasan Toižetamižen päjumalanpert' (om saudud vll 1993−2008) hengeližopenduzkeskusenke i ph. Mikulai-čudonsädajan jumalanpert' (letihe vll 1980−1985). Baptizman jumalanpert' radab.

Openduz

Lapsiden opendusen aluzkundad oma üks'toštkümne päivkodid (nomer 1, 2, 9, 10, 12..15, 17, 18, 24), kuz' keskškolad (nomer 1, 2, 3, 7, 18, 19), kaks' čomamahtoiden školad (nomer 1 i 2), čomamahtoine škol, lapsiden da norišton sportškol, lapsiden tehnižen sädamižen keskuz.

Nügüd'aigaižiden tehnologijoiden tehnikuman filial^[3] (Stavropol') om lidnan professionaližen opendusen aluzkundaks.

Galerei

Lidnümbrikon Administracijan sauvuz (2001)
Bankan sauvuz, vn 2013 nägu
Torgundkeskuz vl 2013
Kulunarii (2013)
«Palermo»-restoran vl 2013
Edeline lidnanznam (1995)

Homaičendad

Irdkosketused

Izobil'nii Vikiaitas

	Stavropolin randan lidnad
	Blagodarnii \| Budönnovsk \| Georgijevsk \| Ipatovo \| Izobil'nii \| Jessentukad \| Kislovodsk \| Lermontov \| Mihailovsk \| Mineraližed Veded \| Neftekumsk \| Nevinnomissk \| Novoaleksandrovsk \| Novopavlovsk \| Pätigorsk \| Stavropol' \| Svetlograd \| Zelenokumsk \| Železnovodsk

[1] «Atlant»-tegimen sait (zavodatlant.ru). (ven.)

[2] Izobil'nijan pühäpertid sobory.ru-saital. (ven.)

[3] Izobil'nijan filialan lehtpol' Nügüd'aigaižiden tehnologijoiden tehnikuman tstsk.ru-saital. (ven.)

[1]

[2]

[3]