Kaleig

Kaleig / Kaleg / Kalajogi / Kalag'
Рыбрека (ven.)
Kalajogi (karj.)
Kalajoki (suom.)

Valdkund	Venäma
Eläjiden lugu (2013)	427 ristitud
Telefonkod	+7−8142-xxx-xxx
Avtokod	10
Aigvö	UTC+3 (MSK+0)

Kaleig (al'ternativižed nimed oma Kaleg, Kalajogi, Kalag' ; ven.: Ры́брека, karj.: Kalajogi, suom.: Kalajoki) om vepsän žilo (ven. село) Karjalan Tazovaldkundan Änižröunan (Änižrandan) rajonas. Se om Kaleigan (Kalajogen) vepsän küläkundan administrativine keskuz da pala.

Enzne

Teznam

Eländpunkt mainitaškanzihe vl 1496. Vodelpäi 1994 vodhesai 2005 se oli Vepsän rahvahaližen volostin palaks. Mülütihe pen't pohjošt Kakkarv-küläd Kaleigha vl 2020.

Sadas kived gabrodiabazan löudmižsijaspäi, tegimištoližmahtusel — vspäi 1924. Läz seičemed söndtavaroiden laukad, sobiden lauk, kafe i kaks' adivpertid ratas žilos.

Geografijan andmused

Kaleig (Kalajogi) sijadase küläkundan keskuzpalan pohjoižes, Änižjärven i langenijan sihe Kalajogensun randoil.

Avtonmatk Kaleigan da Petroskoin keskes om 105 kilometrad. Federaline A-215-mante (enččen regionaližen R19-ten Petroskoi — Šušt pala) mäneb siriči Kaleiges. Žilon piduz om nell' kilometrad. Lähembaižed eländpunktad tedme oma Šoutjärv' 12 km lodeheze orhal vai 15 km avtol i Toižeg ühtes kilometras suvhe.

Eläjad

Vl 1873 Kaleigan eläjiden lugu 195 oli ristitud, heišpäi kaik kirjutihe vepsläižikš. Vl 2000 Kaleigan eläjiden lugu oli 639 ristitud, enamb 58 % eläjid — vepsläižed. Kaikiš suremb žilon ristitišt oli 932 eläjad vl 1989.

Ortodoksižen hristanuskondan ph. Varlaam Hutinalaižen jumalanpert' oli saudud vl 1693, kadoi.

Nened municipaližed aluzkundad oma saudud Kaleiges: lapsiden päivkodi, keskškol vepsän kelen opendamiženke, feršaliž-akušerine punkt, kul'turkeskuz.

Vodel 1922 nevondkundaline Anna Lisicina-vägiak oli sündnu Kaleighe (Žitnoručejha).

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.