Kana

Vikipedii-späi
Kana
Kana
Kukoi i kana
Tedoklassifikacii
Valdkund: Živatad
Tip: Sel'gjäntkeižed (Chordata)
Klass: Lindud (Aves)
Heimkund: Kananvuiččed (Galliformes)
Sugukund: Fazanižed (Phasianidae)
Heim: Džunglin kanad (Gallus)
Erik: Gallus gallus
Alaerik: Kana
Latinankel'ne nimi
Gallus gallus domesticus (Linnaeus, 1758)


Sistematik
Vikierikoiš


Kuvad
Vikiaitas

ITIS 176086
NCBI 9031

Kana (latin.: Gallus gallus domesticus, erasti Gallus domesticus) om kodikoittud 5,5 tuh. vozid tagaz suviazijalaine džungliden Gallus gallus-lind, maižanduzživat samha lihad da munid. Kaikiš äiluguižemb maižanduzlind mail'mas.

Kodikoittud lind lendab pahoin i ei voi leta edahan meclindun erineden, no voib joksta teravas. Oleleb 1,5..5 kg vedutte, kukoi om järedamb kilogrammas mi kana. Tetas enamba 180 sugud mail'mas. Lindunpoigaižed — cipad, cipaižed, cipuižed, kananpoigad.

Ümbrikirjutand[vajehta | vajehtada tekst]

Kana-erikon sugudimorfizm ozutase sel'ktas. Kana i kukoi oma harjanke päl, se om termoreguläcijan organ. N'ok om kover vähän. Höunhišton muju oleleb erazvuitte lujas.

Kanoiden toižendoiden vepsän nimed[vajehta | vajehtada tekst]

  • Haudoi kana — haudui munid (poigaižid) kana.
  • Poikkana — nor' kana.

Kanaha sidodud vepsän tärtused[vajehta | vajehtada tekst]

  • Kanankočk — čoga tanhas kanoiden täht.
  • Kutk, kanankoda — sauvuz kanoid pidamha.
  • Tüku-tüku — sana kucumha kanoid.

Kanaha sidodud vepsän muštatišed da ozoitesed[vajehta | vajehtada tekst]

Muštatišed[vajehta | vajehtada tekst]

  • Haudui kana, tegihe kukoi.
  • Kadoi kuti kana kapkehe / Sömäiži kuti kana kapkes.
  • Kana ei potkaida.
  • Kana eile lind, ak eile ristit.
  • Kana kakatab, munan toivotab.
  • Kanad külläks ei sa sötta, a neidišt igäs ei sa sätatada.
  • Kanoidenke pande, kukoidenke libu.
  • Mahtad munid söda, ka mahta i kanoid sötta.
  • Näl'ghižele kanale kagr uniš näguse.
  • Ozavale kukoi munib, a ozatomale i kana ei muni.
  • Soged-ki kana pule putub.

Ozoitesed[vajehta | vajehtada tekst]

Edel oraine, keskel keraine, jäl'gil (jäl'giči) labidoine (kana).

Kacu mugažo[vajehta | vajehtada tekst]

Homaičendad[vajehta | vajehtada tekst]



Nece kirjutuz om vaiše ezitegez. Tö voit abutada meile, ku kohendat sidä da ližadat sihe.