Koimbr

Koimbr
Coimbra
Lidnanznam;	Flag;
Valdkund	Portugalii
Eläjiden lugu (2021)	140,796 ristitud
Pind	319,40 km²
Pämez'	Ana Abrun'josa; (kül'mku 2025—,; Ana Abrunhosa)
Telefonkod	+391−292
Aigvö	tal'vel UTC+0,; kezal UTC+1

Koimbr (port.: Coimbra [kuˈĩbɾɐ] / [ˈkwĩbɾɐ]) om lidn Portugalijan keskuzpalan pohjoižes, valdkundan kudenz' eläjiden lugun mödhe. Se om ühtennimižen municipalitetan keskuz i Koimbran ümbrikon administativine keskuz.

Istorii

Eländpunkt oli Koimbran grafkundan pälidnaks vll 871−987 i 1064−1096. Koimbr oli Portugalijan ezmäižeks pälidnaks. Municipalitetan aluz om pandud vl 1111.

Lidn om tetab vanhal järedal universitetal^[1] (23,4 tuhad üläopenikoid vl 2013), eläjiden koumandesen rad om sidodud sihe. Universitetan aluz om pandud Lissabonha vl 1290, no sirtihe sidä se Koimbrha (1308−1338, 1354−1377), se tagaz. Vspäi 1537 universitet radab Koimbras rattemata.

Koimbr šingotase tervhudenkaičendan holitišil da tedol (severz'-se järedoid läžundkodid i edheotandoid, kaks' institutad), torguindal i turizman holitusel, sömtegimištol (lihaprodukcii, paštatesen tegim, vin), sauvondmaterialiden (cement), arhitekturan i sauvondan kompanijoil, farmaceftikal (kaks' edheotandad), mašinansauvomižel, informacižen tegimišton kompanijoil.

Geografijan andmused

Lidn sijadase ümbrikon keskuzpalan päivlaskmas, Mondegu-jogen randal (port.: Mondego 220 km pitte), 9..499 m korktusil, 43 m ü.m.t. keskmäižel korktusel.

Matkad Lissabon-pälidnhasai om 182 km suvhe.

Eläjad

Vn 2011 rahvahanlugemižen mödhe lidnan eläjiden lugu oli 143,396 ristitud 319,40 km² pindal, vn 2021 — 140,796 ristitud. Kaikiš suremb lidnan ristitišt oli 148,443 eläjad vl 2001. Läz 430 tuhad eläjid om lidnaglomeracijas (nellänz' surtte valdkundas, Koimbran ümbrik 3974 nellikkilometrad pindal).

Edeline lidnan pämez' om Hose Manuel' Sil'va (José Manuel Silva, reduku 2021 — kül'mku 2025).

Galerei

Lidnan tobmuden sauvuz i Pühän Ristan jumalanpert' (vai Santa Kruš-jumalankodi, katoline, alusenpanend 1131), vn 2025 heinkun nägu
Koimbran uz' päjumalanpert' (Iisusan Pühän Nimen, om saudud 16.-17. voz'sadoil, riman katoline), vn 2012 semendkun nägu
Forum-moll vn 2023 uhokus
Koimbran universitetan tanaz (semendku 2012)
Koimbran universitetan läžundkodi (heinku 2012)
Lidnan stadion (29,6 tuh. ištmid, 2006)
Koimbra B-raudtestancii vl 2013