Kokuškinan sild

Kokuškinan sild (ven.: Кокушкин мост) om Venäman Piterin üks'keskustaine metalliž-raudbetonine sild Gribojedovan kanalas päliči. Se om avtoiden da jaugnikoiden täht.

Sild sijadase Admiralteiskii-rajonas. Ühtenzoitab Stolärnii-kujod Kazanskii-sarel Kokuškinan kujonke Spasskii-sarel. Sennoi sild om ülezkanalan, Voznesenskii-sild sijadase mödvedhe.

Puine sild oli saudud kivižil alusil vodele 1768, sil-žo aigal kanalan randirdan sauvomine tuli lophu. Nügüd'aigaine sild om saudud vozil 1946−1947. Sen projektan tegijad oma «Lenmosttrest:an» projektirujan büron Boris Levin-inžener i Lev Noskov-arhitektor. Om nimitadud Vasilii Kokuškin-torgovanan kanzannimen mödhe, hänen pert' oli nügüdläižel Kokuškinan kujol.

Sildan alused da pind oma raudbetonaspäi, pind om pandud kahesha bemblenvuiččehe terasižhe balkha 68 sm kortte. Sauvuz om 20 m pitte, 13 m levette, keskust kanalan päl om 16 polenke metrad. Kaks' avtoted, oma kreptüd diabazbrusuzil. Trotuaroiden pind om asfal'tbetonine. Alusiden krepind om ozrikkivine. Sildan röun om saudud čomamahtoižen valamižen kaugedraudasižiš seglusišpäi, tulendad oma dekoriruidud valamižen arhitekturižil detalil.