Komi mu

«Komi mu» (komi: «Коми му» Komin ma) om lehtez komin kelel.

Lähtleb vspäi 1918, nügüd'aigan kerdan nedališ, päofis sijadase Siktivkaras. Tiraž — läz kaht tuhad ekzemplärid (1970-nzil vozil oli 12 tuhad i lähtli koume kerdad nedališ).

Istorii

Ezmässai pästtihe lehtest venän kelel i ližatihe erasti čomamahtoižid sädusid komin kelel. Enččed eziauguižed nimed: vspäi 1918 Зырянская жизнь («Ziränine elo»), vn 1919 kevädespäi V ziränskom kraju («Ziränižes randas»), vn 1921 auguspäi — Удж («Rad»), sen-žo voden heinkuspäi Югыд туй («Vauvaz te»).

Viktor Savin oli kominkel'žen literaturan edelkävujišpäi, radoi Югыд туй-lehtesen redaktoran. Vl 1925 Коми сикт-lehtesen («Komin külätahond») aluz oli pandud Югыд туй-lehtesen ühtnendanke. Se Коми сикт oli kominkel'žeks lugendlehteseks külähižen ristitišton täht, möhemba anttihe ut Коми колхозник-nimed («Komi-kolhoznik»).

Vn 1928 redukus pästtaškanzihe Югыд туй-lugendlehtest komin kelel täuzin. Jäl'ghižes vodes Коми Комсомол-lugendlehtez («Komin Komsomol») lähtleškanzi. Vn 1930 kezakus venäkel'žen За новый Север-lugendlehtesen aluz («Udes Pohjoižes») oli pandud, ühtenaigašti udesnimitihe Югыд туй-lehtest, Вӧрлеԇыԍ / Вöрлэдзысь («Mecnik», vai «Mecančapai») oli uden nimen. Vl 1932 mülütihe Коми колхозник-lehtest sihe. Vl 1935 saudihe Siktivkaras nügüd'aigašt tipografijan «Painusen kodi»-sauvust.

Vl 1955 tazovaldkundan jogapäiväližed lugendlehtesed oliba ühtištadud Красное знамя-nimen al («Rusked flag»), kudambad pästtihe komin kelel i venän kelel ühtejiččenke südäiolendanke. Jäl'ghižes vodes se oli jagadud kahteks lugendlehteseks. Lehtesen komin kelel nimi oli Коми колхозник, vspäi 1959 — Югыд туй-nimi möst. Nügüdläine nimituz om olmas vspäi 1991.

Nügüdläine olend

Lugendlehtez starinoičeb tazovaldkundan kundaliž-politižiš aigtegoiš, publikoičeb materialoid komi-rahvahan istorijas da kul'turas, sidä kesken Komin Tazovaldkundan irdpolel.

Lehtesen päredaktor om Jelena Pletcer vspäi 2019, hän jo oli necil radnikusel vll 2007−2014.

Homaičendad

Irdkosketused

Lehtesen istorii pästandkodin komikerka.ru-saital. (kom.) (ven.)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.