Kukagd'

Kukagd'
Володарская

Valdkund	Venäma
Eläjiden lugu (2021)	4 ristitud
Telefonkod	+7−81 365-xx-xxx
Avtokod	47
Aigvö	UTC+3

Kukagd' (ven.: Волода́рская) om pen' vepsän külä Venäman Leningradan agjan Kos'kenaluižen rajonas. Se mülüb Ust'kan lidnankundha.

Istorii

Suren sodan aigan Suomenman armii anasti küläd vn 1941 1. päiväl sügüz'kud. Vn 1944 31. päiväl semendkud Rusked Armii anasti küläd tagaze.

Geografijan andmused

Kukagd'-külä sijaidase rajonan pohjoižpäivnouzmaižes čogas, läz Äništ.

Matkad Ust'kahasai om kaks'kümne viž kilometrad suvhe «Petroskoi — Šušt»-avtotekeskustadme.

Üks'jäine Nikol'skai-ird om küläs.

Eläjad

Vl 1873 külän eläjiden lugu oli 204 ristitud, heišpäi kaik kirjutihe vepsläižikš. Vl 1927 sen ristitišt oli 202 eläjad. Nevondkundaližen aigan külän ristitišt poleni lujas, kaik 33 eläjad jäi vl 1965 i ühesa eläjad vl 1997. Vn 2002 kaiken Venäman rahvahanlugemižen mödhe Kukagdin eläjiden lugu oli nell' ristitud. Vodele 2007 külän ristitišt poleni i oli üks' eläi. Vn 2010 rahvahanlugemižen mödhe külän eläjiden lugu oli kaks' ristitud. Vl 2017 külän kaikenaigaižiden eläjiden lugu oli koume ristitud. Vn 2021 kaiken Venäman rahvahanlugemižen mödhe külän ristitišt oli nell' eläjad, kaik oli venälaižikš. Kaikiš suremb külän registriruidud ristitišt oli 246 eläjad vl 1905.

Transport

Avtobusan «Petroskoi — Vologd»-maršrutan seižutez sijadase küläs.