La-Rošel'
Lidnanznam | |
| Valdkund | Francii |
| Eläjiden lugu (2023) | 79,851 ristitud |
| Pind | 28,43 km² |
 | |
| Pämez' | Žan-Fransua Fonten (mandat 2020−2026, Jean-François Fountaine) |
| Telefonkod | +33-(0)546 |
| Aigvö | tal'vel UTC+1, kezal UTC+2 |
La-Rošel' (franc.: La Rochelle [la ʁɔʃɛl], oksit.: La Rochèla [la ruˈtʃɛlɔ]) om lidn da kommun Francijan päivlaskmas. Mülüb Uz' Akvitanii-regionha, sen Mererandaline Šarant-departamentan administrativine keskuz.
Istorii
[vajehta | vajehtada lähtetekst]Eländpunktan aluz om pandud 10. voz'sadal. Tamplieroiden orden sauvoi järedan meriportan 12.-13. voz'sadoil, torguihe vinad da keitandsolad. Äi keskaigaližid sauvusid om kaičenus lidnas. Se oli znamasine port kolonializman voz'sadoiden aigan. Suren sodan aigan se oli Francijan jäl'gmäine päzutadud nacistoišpäi lidn (8. semendku 1945). Istorine lidnuz i nacistoiden VA-laivoiden bunker oma kaičenus.
La-Rošel' šingotase kommertižel meriportal (kala i kivivoi, 6 mln tonnoid vodes), laivansauvomižel, kalanümbriradmižel, himižel sarakol, turizmal, ümbrišton üläopendusen i torguindan keskuseks.
Geografijan andmused
[vajehta | vajehtada lähtetekst]
Lidn da port sijadasoiš regionan lodehes, Biskaižen lahten randal, 0..28 m korktusil, 4 m ü.m.t. keskmäižel korktusel.
Matkad Parižhasai om 480 km pohjoižpäivnouzmha.
Klimat om valdmeren. Keza om päivoikaz kuivahk, tal'vaig om läm', neps i pil'vekaz lujas. Voden keskmäine lämuz om +13,5 C°, kezakun-sügüz'kun +18,0..+20,6 C°, tal'vkun-uhokun +7,0..+7,5 C°. Ekstremumad oma −13,6 C° (uhoku) i +41,7 C° (heinku). Kezaaigan minimum om +4,9 C° (kezaku), tal'vaigan maksimum om +21,2 C° (uhoku). Ei voi panda halad semendkus-sügüz'kus (semendkun minimum om +1,9 C°), redukus hüde oleleb harvoin lujas. Paneb sadegid 754 mm vodes, enamba redukus-vilukus (76..95 mm kus), vähemba kezakus-elokus (39..46 mm kus). Paneb lunt tal'ven nelläs päiväs keskmäras. Kun keskmäine relätivine nepsuz vajehtase 76..80 % röunoiš keväz'kus-sügüz'kus, 83..88 % redukus-uhokus.
Eläjad
[vajehta | vajehtada lähtetekst]Vl 2010 lidnan eläjiden lugu oli 74 880 ristitud. Kaik 75 735 eläjad oli lidnas vl 2017. Kaikiš suremb ristitišt oli 79 757 eläjad vl 1975 i om nügüd'.
La-Rošelin universitet[1] radab vspäi 1993 (La Rochelle Université, 9 tuhad üläopenikoid vl 2021). Biznesškol om avaitud vl 1998.
Homaičendad
[vajehta | vajehtada lähtetekst]- ↑ La-Rošelin universitetan sait (univ-larochelle.fr). (fr.) (angl.)
Irdkosketused
[vajehta | vajehtada lähtetekst]- Lidnan oficialine sait (ville-larochelle.fr). (fr.) (angl.) (isp.) (saks.) (kit.)
 |
La-Rošel' Vikiaitas |