Ladogan kuld
Ladogan kuld (ven.: «Золото Ладоги») om ühteks velovoibuižišpäi, kudamb jätktase äi päivid Venäman lodehes ümbri Ladoganjärves (Leningradan agj, Karjal i Piter) Venäman sportministrusen tugel. Velovoibuižiden tegijad oma Venäman velosportan federacii da Roskongressan fond[1].
Üleižed tedod
[vajehta | vajehtada lähtetekst]Ezmäižed velovoibuižed mäniba vodel 2023 Toižen Sammitan da Ekonomižen da gumanitarižen da Roskongressan fond[1].
«Ladogan kuld» on Venäman lodehen kaikiš znamasižembikš velovoibuižikš, kudambad jätktasoiš äi päivid. Vl 2025 voibištelend jagoihe seičemeks palaks, sen ühtnijad ajoiba velosipedoil läz 800 kilometrad[1][2] ühtheverzin.
Voibuižihe ühtneba kaik vägekahad velovoibištelijad kaikes Venämaspäi. Kaikuččel vodel «Ladogan kuldan» geografii tegese levedembaks. Voibištelendoihe ühtniba jo sportmehed neniš maišpäi: Vaugedvenäma, Uzbekistan, Kazahstan, Araban Ühtenzoittud Emiratad, Sirii i Vjetnam. "«Ladogan kuld»-velovoibuižed tegihe hüväks ozuteseks rahvahidenkeskeižes ühthižrados sportas", — sanui Venäman prezidentan nevoi, Piterin rahvahidenkeskeižen ekonomižen foruman orgkomitetan päsekretar' Anton Kobäkov.
Vl 2025 velosportnikoiden keskes ezmäižen kerdan oliba korporativižed joukud da navedijoiden sebrad, kudambad ühtenzoittas melekahid mehid erazvuiččiš erištoišpäi.
Kactes mail'man surembihe grand-turoihe «Ladogan kuldan» pätegend om siš, miše ozutada regionan turistišt potencialad. Ajeluz ozutab Ladoganveren da Piterin londusen čomut da istorižid sijid: Korela-lidnuz, Viborgan zamk, Ladogan šherad, järven lodehen čoma rand, «Rebitadud kehkruz»-muštpacaz, «Gazpromarena», azjaline «Lahtan keskuz». Nened da toižed mel'hetartujad sijad i londusen čudod vastasoiš, konz sportmehed ajaba velosipedoil[3].
«Ladogan kuld» voib tehtas ei vaiše tetabaks sport-, no turistižeks brendaks Venämas.
Homaičendad
[vajehta | vajehtada lähtetekst]Irdkosketused
[vajehta | vajehtada lähtetekst] |
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |