Lev

Ižalev lebaidab, Namibii

Valdkund:	Živatad
Tip:	Sel'gjäntkeižed (Chordata)
Klass:	Imetaiživatad (Mammalia)
Heimkund:	Lihansöjad (Carnivora)
Sugukund:	Kažinvuiččed (Felidae)
Heim:	Panterad (Panthera)
Erik:	Lev

Latinankel'ne nimi

Panthera leo (Linnaeus, 1758)

Areal

Keskaigaine levigandmižavaruz Nügüd'aigaine levigandmižavaruz

Sistematik
Vikierikoiš

Kuvad
Vikiaitas

ITIS 183803

NCBI 9689

Sil sanal voib olda toižid znamoičendoid; miše nähta niid, tulgat tänna.

Lev (latin.: Panthera leo) om järed kažinvuitte živat, erik mülüb Felidae-sugukundha. Om kaičenus läz kut alaerikod, völ läz vit alaerikod kadoiba.

Lev om lihansöi živat, sömčepiihuden lopind, niken ei sö händast londuses. Amerikaižed levad (Panthera leo atrox) kadoiba 10 tuhad vozid tagaz. Edel sidä aigad levad oliba kaikiš enamba levitadud lihansöjad mail'mas ristitun jäl'ghe.

Ümbrikirjutand

Živat om kaikiš järedambaks kažinvuiččeks tigran ühtes, levan izačuiden veduz voib olda 150..250 kg, emäčuiden — 120..182 kg. Levan igä om 10..14 vot londuses, torad toižid izačuid vaste poletas igäd znamasižešti, elädas kaks'kümnehe vodhesai stajas.

Levan sugudimorfizm om šingotadud lujas, se azj om harv lihansöjiden keskes. Lühüdan karvan muju om pakuižhahk ližamujuidenke. Pän tukad oma karvan mujun paksumba kaiked, no oleleb muza i must eskai. Voib märita alaerikod pän tukiden mujun mödhe tobjimalaz. Ižalevan händ lopiše tukiden tophal.

Nügüd'aigaižed levad elädas savannas päpaloin, sirtas penzhištho vai mecha erasti.

Lev lebaidab 20 časud päiveses. Mecadab öl i joukus, voib joksta heredas vaiše lühüdad keskustad. Ristit ei ole levan mectusen eziauguižeks metoks.

Alaerikod

Kaičenus vai kadojad ei amu

Pantera leo azandica
Pantera leo bleyenberghi
Pantera leo krugeri
Pantera leo leo
Pantera leo melanochaita
Pantera leo nubica
Pantera leo persica
Pantera leo senegalensis

Kadonuded amuižes

Pantera leo atrox (eli Amerikan makaroiš Kanadspäi Peruhusai, kadoi 10 tuhad vozid tagaz)
Pantera leo fossilis (eli Keskuzevropas 500 tuhad vozid tagaz)
Pantera leo spelaea (eli Evrazijan makaroiš 300..10 tuhad vozid tagaz)

Voib olda levan gibridoid tigranke, leopardanke, jaguaranke. Nügüd'aigan niiden sädand ei lugekoi hüväks, kaitas alaerikoiden puhthut.

Homaičendad

Lev Vikiaitas

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.