Limanov

Vikipedii-späi
Limanov
Limanowa
 Lidnanznam
 Flag
Valdkund Pol'šanma
Eläjiden lugu (2021) 15,012 ristitud
Pind 18,64 km²
Limanov Limanowa
Pämez' Vladislav Beda
(Władysław Bieda)
Telefonkod +48−18
Aigvö tal'vel UTC+1,
kezal UTC+2


Limanov (pol'š.: Limanowa [lʲima'nɔva], saks.: Ilmenau) om lidn Pol'šanman suves. Mülüb Penen Pol'šanman sodaveikundha.

Istorii[vajehta | vajehtada tekst]

Eländpunktan aluz om pandud vl 1493. Mainitase vl 1496 kuti šlähtan ühtnijoiden Ilmanov-usadib (Ilmanowa), nimituz libub saksan personaližes Hilman-nimespäi. Limanov sai lidnan oiktusid vl 1565 Sigizmund II-kunigahaspäi. Paloi i oli muretud sodategendoil severz'-se kerdoid. Ezmäižen mail'man sodan aigan Tora Limanovanno tegihe vn 1914 tal'vkus, i lidnan pala paloi ambundoiden tagut. Toižen mail'man sodan aigan nacistine getto oli lidnas, läz koumed tuhad Limanovan evrejalaižid oliba riktud (eliba lidnas vspäi 1640).

Limanov šingotase turizmal (koume turistmaršrutad), sidä kesken sportivižel (mägisuksed). Maižanduzrajonan keskuz. Ende kivivoin ümbriradmižen tegim (sauptihe vl 1933) i punümbriradmižen tegimed radoiba.

Geografijan andmused[vajehta | vajehtada tekst]

Lidn sijadase 400..700 m ü.m.t. korktusil. Matkad sodaveikundan Krakov-pälidnhasai om 56 km lodeheze. Lähembaine sur' lidn om Novi-Sonč 23 km suvipäivnouzmha. Raudtejono ei ole elektrificiruidud i seižub radmata, lähižed raudted vajehtiba sidä 1970-nziš vozišpäi.

Lidnan palad da laptad oma Keskuz (Zentrum), Lososina Gorn (Łososina Górna), Sovlini (Sowliny).

Eläjad[vajehta | vajehtada tekst]

Vl 2012 eläjiden lugu oli 15 132 ristitud, vl 1988 13 302 ristitud. Vspäi 1995 lidnan ristitišton lugu vajehtase 14..15 tuhad röunoiš.

Professionaližen opendusen aluzkundad oma Käzitöiden i edheotaikundan gil'dijan bazine profškol, Krakovan pedagogižen universitetan filial, Koumanden igän universitet.

Irdkosketused[vajehta | vajehtada tekst]