Limanov

Limanov
Limanowa
Lidnanznam;	Flag;
Valdkund	Pol'šanma
Eläjiden lugu (2025)	14,132 ristitud
Pind	18,64 km²
Pämez'	Jolanta Juškevič; (Jolanta Juszkiewicz)
Telefonkod	+48−18
Aigvö	tal'vel UTC+1,; kezal UTC+2

Limanov (pol'š.: Limanowa [lʲima'nɔva], saks.: Ilmenau) om lidn Pol'šanman suves. Mülüb Penen Pol'šanman sodaveikundha, om sen Limanovan ümbrikon (povätan) administrativižeks keskuseks da palaks.

Istorii

Eländpunktan aluz om pandud vl 1493. Mainitase vl 1496 kuti šlähtan ühtnijoiden Ilmanov-usadib (Ilmanowa), nimituz libub saksan personaližes Hilman-nimespäi. Limanov sai lidnan oiktusid vl 1565 Sigizmund II-kunigahaspäi. Paloi i oli muretud sodategendoil severz'-se kerdoid. Ezmäižen mail'man sodan aigan Tora Limanovanno tegihe vn 1914 tal'vkus, i lidnan pala paloi ambundoiden tagut. Toižen mail'man sodan aigan nacistine getto oli lidnas, läz koumed tuhad Limanovan evrejalaižid oliba riktud (eliba lidnas vspäi 1640).

Limanov šingotase turizmal (koume turistmaršrutad), sidä kesken sportivižel (mägisuksed). Maižanduzrajonan keskuz. Ende kivivoin ümbriradmižen tegim (sauptihe vl 1933) i punümbriradmižen tegimed radoiba.

Geografijan andmused

Lidn sijadase sodaveikundan keskuzpalan suves, ümbrikon (povätan) päivnouzmas, 400..700 m ü.m.t. korktusil.

Matkad sodaveikundan Krakov-pälidnhasai om vižkümne kuz' kilometrad lodeheze. Lähembaine sur' lidn om Novi-Sonč 23 km suvipäivnouzmha. Raudtejono ei ole elektrificiruidud i seižub radmata, lähižed raudted vajehtiba sidä 1970-nziš vozišpäi.

Tobmuz

Lidnan palad da laptad oma Keskuz (Zentrum), Lososina Gorn (Łososina Górna), Sovlini (Sowliny).

Lidnan tobmuden pämez' om burgomistr (pol'š.: burmistrz). Edeline lidnankundan pämez' om Vladislav Beda (Władysław Bieda).

Eläjad

Vl 2012 lidnan eläjiden lugu oli 15,132 ristitud, vl 1988 — 13,302 ristitud. Vn 2021 Pol'šanman rahvahanlugemižen mödhe lidnan ristitišt oli 15,012 eläjad. Vspäi 1995 lidnan ristitišton lugu vajehtase 14..15 tuhad röunoiš.

Professionaližen opendusen aluzkundad oma Käzitöiden i edheotaikundan gil'dijan bazine profškol, Krakovan pedagogižen universitetan filial, Koumanden igän universitet.

Galerei

Ümbrikon käskuzkundan sauvuz (sulaku 2010)
Lidnan torgusen torg i Gorähižen Jumalanmaman bazilikjumalanpert' (riman katoline, nüg. om saudud vll 1910−1918), nägu vn 2021 redukus
Lidnan kundaline kirjišt (sulaku 2020)
Ümbrikon (povätan) läžundkodin sauvused (kezaku 2022)
Kattud bassein (vn 2011 keväz'kun olend)
Limanov-päraudtestancii vn 2009 elokus

Irdkosketused

Lidnan oficialine sait (miastolimanowa.pl). (pol'š.)

Limanov Vikiaitas