Linii 1 (Piterin metropoliten)
Piterin metropolitenan jono 1, mugažo Kirovo-Viborgskai-jono vai Rusked jono, om kaikiš amuižemb kiruhtransitjono Piteriš, om avaitud vl 1955, se ühtenzoitab lidnan Kirovan i Viipurin rajonid. Originaližed stancijad oma lujas čomad da tarkašti čomitadud, eriližešti Avtovo da Narvskai. Linii ühtenzoitab Piterin nell' päraudtestancijad videspäi. Vl 1995 sur'vezi tegihe tonneliš Lesnai- i Rohktusen torgu-stancijoiden keskes, i ühesa vot jono jagase kahteks ripmatomaks segmentaks (keskust om ühtenzoittud maršrutavtobusad-maršrutal). Mugažo jono om üks' kahtes jonospäi verkos, siš om madaliden veziden stancijoid, toine om «Nevsk — Vasileostrovskii»-jono.
Linii läbitab Piterin keskust värtmudel pohjoižpäivnouzmha-suvipäivlaskmha. Suvipoles sen tazostuz mäneb Suomen lahten randan taga. Pohjoižes se lähteb lidnan röunaspäi Leningradan agjaha (se om üks'jäine jono, kudamb levigandeb lidnan irdpolel). Kirovsko-Viborgskai-jono om mujutadud rusttaks metropolitenan kartoil tobjimalaz[1], i ližatihe necen mujun znamad passažiroiden orientacijan täht sen stancijoil; Jubileinnii-vagonoiden uden pol'ven jonused 2010-nziš vozišpäi oma irdnägul mugažo, se sättub jonon mujule.[2]