Lisičansk

Vikipedii-späi
Lisičansk
Лисичанськ
 Lidnanznam
 Flag
Valdkund Ukrain
Eläjiden lugu (2018) 98,226 ristitud
Pind 95,64 km²
Lisičansk Лисичанськ
Pämez' Sergii Šilin
(2014—)
Telefonkod +380−6451
Aigvö tal'vel UTC+2,
kezal UTC+3


Lisičansk (ukr.: Лисичанськ [ɫɪsɪˈt͡ʃɑɲsʲk], ven.: Лисичанск) om Ukrainan lidn Luganskan agjan päivlaskmas.

Istorii[vajehta | vajehtada tekst]

Eländpunktan aluz om pandud vl 1710. Se sai lidnan statusad vl 1938.

Lisičansk šingotase kivihilen samižel (5 kaivut), oludtegimel, omblendfabrikal, raudbetontegimel i mašiništonsauvomižen tegimel (metalližed konstrukcijad, päčid kivihilel).

Geografijan andmused[vajehta | vajehtada tekst]

Lidn sijadase Severskii Donc-jogen oiktal korktal randal (Donan bassein) i Donan kräžal, 145 m ü.m.t. keskmäižel korktusel. Sädab aglomeracijad hurarandal'ženke Severodoneck-lidnanke (agjan pordaigaline keskuz). Matkad Luganskhasai om 90 km suvipäivnouzmha.

Eläjad[vajehta | vajehtada tekst]

Vl 2010 lidnan eläjiden lugu oli 106 211 ristitud, lidnankundan — 122 194 ristitud. Kaikiš suremb lidnan ristitišt oli 138 tuhad eläjid vl 1989. Kaik 353 tuh. ristituid elihe lidnaglomeracijas vl 2010.

Rahvahad (enamba 1% vn 2001 rahvahanlugemižen mödhe): ukrainalaižed — 66,7%, venälaižed — 30,5%, vaugedvenälaižed — 1,0%, toižed rahvahad — 1,8%.

Professionaližen opendusen aluzkundad: Lisičanskan kaivuztehnikum, kivivoinhimine tehnikum, medškol i pedagogine kolledž.

Transport[vajehta | vajehtada tekst]

Sijaližen tehmižen maršruttaksid (16 maršrutad), avtobusad (kaks' maršrutad) i trolleibusad (kaks' maršrutad) oma kundaližeks transportaks lidnas. Lisičansk-päraudtestancii, koume tošt stancijad i kaks' platformad kävutasoiš raudtel.

Lähembaine rahvahidenkeskeine civiline Severodoneckan lendimport (SEV) sijazihe 5 km päivnouzmha orhal Lisičanskan röunaspäi, vn 2016 kül'mkuspäi eile rados.

Irdkosketused[vajehta | vajehtada tekst]