Livvin kel'
Livvin kel' vai Livvin pagin (ičeze nimitused: liygi, livvin kieli, livvinkarjala) om üks' päižiš karjalan kelen paginoišpäi. Venämas lugedas necidä kel't paginaks, ika Suomenmas erased-se tedomehed lugedas sidä keleks.
Erazvuiččiden andmusiden mödhe pagižijoiden tämbäine lugu om 14,1..25 tuhad ristituid. Hö elädas Olonecas, Karjalan Tazovaldkundan toižiš paloiš i Suomenman Karjalas (läz koumed tuhad ristituid).
Ei ole sel'ged, konz da kut nece kel' sündui. Sen velgsanoiden sur' lugu om ottud vepsän kelespäi. Sen ližaks, keles om erasid sanoid, kudambad ei olgoi löutud toižiš karjalan keliden paginoiš.
Kirjkel'
[vajehta | vajehtada lähtetekst]Ei ole andmusid, konz tehtihe livvin kelen kirjamišton. Se om olmas 19. voz'sadaspäi kirilližen kirjamišton pohjal. Voziš 1930−1940 se linni kirjamištoks latinan kirjamištol pohjal.
Vanh kirjamišt:
| A a | B b | Č č | D d | Ǯ ǯ | E e | F f | G g |
| H h | I i | J j | K k | L l | M m | N n | O o |
| P p | R r | S s | Š š | Z z | Ž ž | T t | U u |
| V v | Ü ü | Ä ä | Ö ö | ' |
Vl 2007 sätihe ut ühthišt kirjamištod kaikiden karjalan keliden täht. Vl 2014 se kirjamišt om vajehtadud jäl'gmäižen kerdan:
| A a | B b | C c | Č č | D d | E e | F f | G g | H h | I i |
| J j | K k | L l | M m | N n | O o | P p | R r | S s | Š š |
| Z z | Ž ž | T t | U u | V v | Y y | Ä ä | Ö ö | ʼ |
Lugusanad
[vajehta | vajehtada lähtetekst]- nol'a — nol'
- yksi — üks'
- kaksi — kaks'
- kolme — koume
- nelli — nell'
- viizi — viž
- kuuzi — kuz'
- seiččie — seičeme
- kaheksa — kahesa
- yheksä — ühesa
- kymmene — kümne
Livvinkel'žed kirjutajad
[vajehta | vajehtada lähtetekst]- Vladimir Brendoev (1931−1990)
- Zinaida Dubinina (1934−2022)
- Pötr Semönov (1934−2019)
- Vasilii Veikki (sünd. 1958)
Livvinkel'žed muzikgruppad
[vajehta | vajehtada lähtetekst]Kacu mugažo
[vajehta | vajehtada lähtetekst]Homaičendad
[vajehta | vajehtada lähtetekst]Irdkosketused
[vajehta | vajehtada lähtetekst] |
Livvin kel' Vikiaitas |