Loimol

Loimol
Лоймола (ven.)
Loimola / Loimoi / Loimoinkylä (karj.)
Loimola (suom.)
Valdkund	Venäma
Eläjiden lugu (2013)	642 ristitud
Avtokod	10
Aigvö	UTC+3

Loimol (ven.: Ло́ймола, karj.: Loimola / Loimoi / Loimoinkylä^[1], suom.: Loimola) om Venäman külähine žilo (ven.: посёлок сельского типа) Karjalan Tazovaldkundan Sojärven rajonas. Mülüb Loimolan küläkundha, om sen administrativižeks keskuseks.

Istorii

Vl 1812 Loimol kuti Viipurin gubernijan pala oli mülünu Suomenman surhe ruhtinazkundha, vspäi 1917 — Suomenmaha. Vn 1920 15. päiväl tal'vkud raudte tuli lidnha, se tegihe «Matkasel'g — Naistenjärv»-raudtekeskustan palaks.

Eländpunkt om Karjalan palaks Tal'vsodan jäl'ghe, vspäi 1940. Suren sodan aigan Suomenman armii anasti žilod vl 1941. Vl 1944 Rusked Armii anasti Loimolad tagaze. Žilo šingotihe mecan varhapanendal, Uz' Loimol-mecžilo oli ende.

Žilo šingotase valdkundaližil holitišil, šebnän tegimel sijaližen Loimolan rapakkiven karjeran torhudel.

Geografijan andmused

Žilo sijadase rajonan suves, küläkundan keskuzpalan suvipäivnouzmas, Loimoljärven suvirandal, Loimol-jogen niškal (Ladogan bassein). Jogi sai populärižust vezituristoil.

Kaik kaks'kümne üks' nimitadud ird om žilos. Niiden ližaks Sojärven mante läbitab sidä.

Eläjad

Vn 2002 kaiken Venäman rahvahanlugemižen mödhe žilon eläjiden lugu oli 1 002 ristitud. Vodele 2009 ristitišt poleni i oli 791 eläjad. Vl 2010 (rahvahanlugemine) žilon eläjiden lugu oli 673 ristitud. Vodele 2013 ristitišt poleni i oli 642 eläjad.

Eländpunktas oma üks'jäine lauk, administracii, Loimolan aluzškol (edel vn 2025 heinkud keskškol), läžundkodi, ümbrikon kul'turan da joudan keskusen palakund (klub, edel 2023. vot erigoittud socialiž-kul'turine Dosug-keskuz «Joud»). Ende lüteranine kirh radoi žilos, pühäpert' ei ole kaičenus.

Transport

«Pit'krand — Sojärv»-avtotekeskust läbitab Loimolad päivlaskmaspäi päivnouzmha, žilo seižub läz pol'tel.

Žilon keskuses ühtennimine Loimol-stancii om Oktäbrin raudten «Sortaval — Sojärv»-jonol. Kaks' regulärišt passažirmaršrutad läbitadas stancijad: jonused «Moskv — Petroskoi» i «Piter — Kostamukš».