Luke (lidn, Paragvai)

Luke
Luque (isp.)
Lúke (guaran.)

Flag
Valdkund	Paragvai
Eläjiden lugu (2019)	277,301 ristitud
Pind	152 km²
Telefonkod	+595-(0)21
Aigvö	tal'vel UTC−4, kezal UTC−3

Luke (isp.: Luque [ˈlu.ke], guaran.: Lúke) om lidn Paragvain suvipäivlaskmas. Se om valdkundan nellänz' lidn eläjiden lugun mödhe, Asunsjonan päivnouzmaine ezilidn. Mülüb Keskuzagjaha, sen kaikiš suremb lidn.

Istorii

Eländpunktan aluz om pandud 18. voz'sadan keskes guarani-indejalaižiden territorijal. Vspäi 1781 lidn mainitase dokumentoiš kut erigoittud municipalitetan keskuz. Oli valdkundan pordaigaližeks pälidnaks vl 1868 (22. uhoku — 7. tal'vku) Paragvain sodan aigan.

Luke šingotase pälidnan lendimportal, juvelirtegesiden, matkliphiden i soitoiden (gitarad, arfad) pästandal da möndal, kaik om viž tuhad penid edheotandoid lidnas. Motocikloiden ühthekeradand, tekstilin edheotandad.

Geografijan andmused

Lidnan sijaduz Asunsjonan aglomeracijas i Keskuzagjas vn 2010 kartal

Lidn sijadase agjan pohjoižes, Paragvai-jogen päivlaskmaižel randal, 120 m ü.m.t. keskmäižel korktusel. Matkad Asunsjon-pälidnan keskuzpalhasai om koumetoštkümne kilometrad päivlaskmha.

Klimat om subtropine. Kezal om räk, tulleid Amazonasan regionaspäi ližatas uparid. Tal'v om viluhk lühüd. Paneb sadegid kezal i sügüzel päpaloin.

Luke jagase 28 rajonaks (barrio:ks).

Eläjad

Vl 2002 lidnan eläjiden lugu oli 185 127 ristitud. Kaikiš suremb lidnan ristitišt om nügüd', agjan kahesandez.

Neniden universitetoiden päsauvused vai filialad ratas lidnas: Taivaniž-Paragvaine politehnine, Luken avtonomine, Kommercializacijan i šingotesen tehnine, Asunsjonan nacionaline (Tehnologižiden innovacijoiden keskuz), Pohjoine, Kontinentidenkeskeine tehnologine, Politehnine i čomamahtoine, Leonardo da Vinčin nimed. Toižed profopendusen aluzkundad oma Luke-lidnan municipaline muzikkonservatorii, Municipaline karguiden škol.

Transport

Pälidnan rahvahidenkeskeine soda- da civiline lendimport Sil'vio Pettirossi-aviatoran nimed (ASU / SGAS, 1,2 mln passažiroid vl 2019) radab lidnas. Sišpäi tehtas reisid Suviamerikan lidnoihe.

Irdkosketused

• Lidnan municipalitetan sait (luque.gov.py). (isp.)