Matematine analiz

Arhimed kävuti amundan lophusai metodad parabolan pindan lugemižen täht ičeze Τετραγωνισμὸς παραβολῆς-tedotös («Parabolan kvadratur»).

Matematine analiz om lopmätomikš peniden suruziden matematine tedoiduz, kut geometrii om geometrižiden formiden tedoiduz. Sen erineden algebr om arifmetikan operacijoiden ümbriradmižiden tedoiduz.

Eziauguižešti nimitadud lopmätomikš peniden suruziden lugustuseks, siš om kaht järedad sarakod: differencialine lugustuz i integraline lugustuz. Ezmäine kosketab piguziden i koveroiden kon'akusiden kurovajehtusid, toine — suruziden i pindoiden kogodust koveroiden al vai niiden keskes. Nened kaks' sarakod oma sidodud keskneze matematižen analizan fundamentaližen teoreman abul. Hö ottas kävutamižhe lopmätomiden järgendusiden i lopmätomiden rividen ühthejoksmusen märhapandud hüvin röunannoks fundamentaližid el'gendusid. Se om «matematine aluz» tegendoiden pätandan täht, kudambiš vajehtujad vajehtadas aigan mändes vai toižen, aluzvajehtujan mödhe.

Evropižed Isaak Njuton- i Gotfrid Vil'hel'm Leibnic-tedomehed formuliruiba lopmätomikš peniden suruziden lugustust erigoittud disciplinaks 17. voz'sadan lopus. Möhembaižed tedotöd, niiden kesken märhapandud röunoiden idejan kodifikacii, paniba necen sarakon tedošingotest varmdambale konceptualižele pohjale. Löutud matematižen analizan koncepcijad da metodad oma erazvuiččid kävutandoid tedos, inženerijas da matematikan toižiš sferoiš.

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.