Meliorativnii

Meliorativnii
Мелиоративный (ven.)
Meliorativnoi (karj.)
Meliorativnyi (suom.)
Valdkund	Venäma
Eläjiden lugu (2020)	2,211 ristitud
Telefonkod	+7−8142-xxx-xxx
Aigvö	UTC+3

Ph. Serafim Sarovalaižen jumalanpert', vn 2021 nägu

Meliorativnii (ven.: Мелиорати́вный, karj.: Meliorativnoi, suom.: Meliorativnyi) om žilo Karjalan Tazovaldkundan Änižröunan (Änižrandan) rajonas. Se om Meliorativnijan küläkundan üks'jäine eländpunkt da administrativine keskuz.

Istorii[redaktiruida | redaktiruida purde]

Eländpunktan aluz om pandud vl 1947 kuti melioracijan «Sovhozmeliovodstroi»-sauvondorganizacijan materialine baz. Vl 1953 Petroskoin mašiniž-meliorativine stancii oli sätud. Žilon nimituz oli Tomicad (ven.: То́мицы) 1960-nzil vozil.

Meliorativnii šingotase mecanpilindan edheotandal i torguindal. Likörvodkantegim radoi 2000-nzil vozil.

Geografijan andmused[redaktiruida | redaktiruida purde]

Žilo sijadase rajonan lodehes, kahtes kilometras pohjoižhe Petroskoin lodehližes röunaspäi, Kol-trassan i «Petroskoi — Murmansk»-raudten keskes. Matkad Petroskoin keskushesai om 14 km suvipäivnouzmha orhal.

Kaik om viž nimitadud irdad žilos: Lesnai, Ližnai, Petroskoin, Sadovai, Stroitel'nai.

Eläjad[redaktiruida | redaktiruida purde]

Vl 2010 žilon eläjiden lugu oli 2 475 ristitud, se oli kaikiš suremb ristitišt. Vl 2017 žilon ristitišt oli 2 264 eläjad.

Ortodoksižen hristanuskondan ph. Serafim Sarovalaižen jumalanpert'^[1] om avaitud žilos vspäi 2004.

Nened büdžetižed aluzkundad ratas žilos: keskškol nomer 2, päivkodi, ambulatorii, kul'turkeskuz^[2].

Homaičendad[redaktiruida | redaktiruida purde]

Meliorativnii Vikiaitas

[1] Meliorativnijan pühäpertid sobory.ru-saital. (ven.)

[2] Žilon kul'turkeskusen sait (dk-meliorativny.ru). (ven.)

[1]

[2]