Novak Irina Petrovna

Irina Petrovna Novak (ven.: Ири́на Петро́вна Новак, neiččel Beläkova; sünd. 3. uhoku 1987, Jeremejevk-külä, Spirovon rajon, Tverin agj, Venäman NFST, NSTÜ) om filologijan tedodoktor arvonke (2024), Venäman tedoakademijan Karjalan tedokeskusen Kelen, literaturan da istorijan institutan vanhemb tedoradnik, vodespäi 2024 — sen pämez'.

Elostarin

Irina Novak om sündunu Tverin agjan Spirovon rajonha, sen Jeremejevk-külähä.

Vozil 2003–2008 naine openui karjalan i suomen kel't da literaturad Petroskoin valdkundaližes universitetas Baltijanmeren-suomaližiden keliden da kul'turan tedokundal, sai «filolog»-special'nostin^[1].

Vozil 2008–2011 jätksi opetas Venäman tedoakademijan Karjalan tedokeskusen aspiranturas.

Vodel 2009 (nügüdehesai) radab Venäman tedoakademijas Karjalan tedokeskusen Kelen, literaturan da istorijan institutas.

Vodel 2011 tedonaine vahvišti kandidatan dissertacijad ven.: «Формирование и функционирование чередования ступеней согласных в карельском языке: фонологический и морфонологический аспекты»-teman mödhe. Hänen dissertacijan johtajan oli filologijan tedodoktor, tahonimiden tedoidai Irma Mullonen^[1].

Vozil 2020−2024 om Venäman tedoakademijan V. P. Ivannikovan nimed Sistemprogramiruindan institutan «Kel'tedoplatformad»- laboratorijan radnik.

Vodelpäi 2024 om Venäman tedoakademijan Karjalan tedokeskuksen Kelen, literaturan da istorijan institutan pämehen^[1].

Irina Novak om äjiden karjalankel'židen tedoiduzprojektoiden ühtnijan. Niiden keskes om sur' rahvahidenkeskeine Suomenman da Venäman tedomehiden ühthine Kone-fondan tugetud «karj.: Verdailii karjalan kielen kielioppi»-projekt^[2]. Se oli pästtud eloho vozil 2015−2018 da sen lopuks sündui «Karjalan kel' kel'opendamižes». Fonetikan da morfologijan rindatuztedokirj om sätud venän, anglijan, suomen kelil i karjalan kelel livvin paginal.

Irina Novak mülüb Karjalan Tazovaldkundan pämehen Termišt-orfografižhe laudkundha, Tverin karjalaižiden kelen kirjutusiden pästandlaudkundha, om Vähäluguižiden igähižiden rahvahiden keliden laudkundan specialistan, Suomalaiž-Ugrilaižen Sebran verazmaižen ühtnijan. Vodel 2024 mülüi Venäman suomalaiž-ugrulaižhe komitetha.

Vn 2024 kül'mkus Irina Novak vahvišti doktoran tedoradod «Karjalan kielen landšaft paginmetrižes paradigmas»-teman mödhe (ven.: «Карельский языковой ландшафт в диалектометрической парадигме»).

Bibliografii

Monografijad, kirjad, brošurad

Памятники лексикографии в «Цветнике» Прохора Коломнятина 1668 г. Исследования и тексты / Изд. подгот. Н.В. Савельева, А.В. Дыбо, М.А. Козинцев, А Н. Левичкин, И.И. Муллонен, И.П. Новак, Г.В. Федюнева. М.; СПб.: Альянс-Архео. 2023. 440 lp.
Karelian in grammars. A study of phonetic and morphological variation Scientific electronic edition / Irina Novak, Martti Penttonen, Aleksi Ruuskanen, Lea Siilin, 2022.
Тверские переводные памятники карельской письменности начала XIX века / Науч. ред. Л.Г. Громова, И.П. Новак. Петрозаводск: КарНЦ РАН. 2020. 295 lp. (РИНЦ)
Irina Vinokurova, Новак И.П. Введение к разделу. / Народы Карелии: историко-этнографические очерки. Петрозаводск: Периодика. 2019. — Lp. 15.
Карельский язык в грамматиках : сравнительное исследование фонетической и морфологической систем / Ирина Новак, Мартти Пенттонен, Алекси Руусканен, Леа Сиилин. Петрозаводск: КарНЦ РАН. 2019. 479 lp. (РИНЦ)
Новак И.П. Карельский язык и его диалекты. / Народы Карелии: историко-этнографические очерки. Петрозаводск: Периодика. 2019. Lpp. 56−65^[3].

Openduzkirjad, lugetišed, vajehnikad

ВепКар: руководство для пользователей. Учебное пособие / Н.Б. Крижановская, А.А. Крижановский. — Петрозаводск: КарНЦ РАН. 2023. 40 lp.
Новак И.П. Грамматика тверского карельского языка. — Петрозаводск: КарНЦ РАН. 2020. 177 lp. (РИНЦ)^[1].

Pauklahjad

Karjalan pämehen kitändkirjeine.
Karjalan Rahvahaližen da regionaližen politikan ministrusen kitändkirjeine.
Karjalan opendusen šingotesen institutan kitändkirjeine.
Venäman rahvahan assamblejan nevondkundan kitändkirjeine.
Rahvahaližen vanhemban associacijan kitändkirjeine.

Homaičendad

Literatur

Ученые Карельского научного центра Российской академии наук : биографический словарь / [гл. ред. А. Ф. Титов; отв. ред. Ю. В. Савельев; редкол.: Е. В. Жирнель и др.]. — 3-е изд., доп. и перераб. — Петрозаводск : Карельский научный центр РАН, 2012. — 419, [1] с. ; 21 см. — Библиогр. в конце ст. — Алф. указ.: lpp. 409−419. (ven.) ISBN 978-5-9274-0490-2.

Purtked

Karjalan tedokeskusen Kelen, literaturan da istorijan institut. Irina Petrovna Novak illhportal.krc.karelia.ru-saital. (ven.)

[Novak-1] 1 2 3 4 Novak Irina Petrovna illhportal.krc.karelia.ru-saital. (ven.)

[2] Karjalan kelen tverin dialekt minlang.iling-ran.ru-saital. (ven.)

[3] Karjalan tiedokeskuksen Kielen, literatuuran da histourien instituuttu. Irina Petrovna Novak. Bibliogruafii illhportal.krc.karelia.ru-saital.

[1]

[2]

[3]