Vahdat

Vikipedii-späi
(Oigetud lehtpolelpäi Ordžonikidzeabad)
Vahdat
Ваҳдат
Valdkund Tadžikistan
Eläjiden lugu (2022) 54,400 ristitud
Vahdat Ваҳдат
Telefonkod +992−3136
Aigvö UTC+5


Vahdat (tadž.: Ваҳдат, ven.: Вахдат) om lidn tazovaldkundan alištusenke Tadžikistanan päivlaskmas. Se om Vahdatan rajonan tazovaldkundan alištusenke administrativine keskuz, mülüb sihe.

Istorii[vajehta | vajehtada tekst]

Eländpunktan aluz om pandud kuti žilo vl 1927 Jangi-Bazar-nimitusenke. Raudte tuli sihe vl 1930. Vll 1936−1975 i 1992−2003 sen nimi oli Kofarnihon jogen mödhe. Vl 1975 anttihe lidnan statusad, nimitihe Ordžonikidzeabad oficialižikš.

Vahdat šingotase puvillan puhtastandtegimel, sauvondmaterialiden pästandal (pertinsauvond, savič, keramzit), šuukankombinatal, sömtegimištol (jauh), kohenduzmehanižel i metalltegesiden tegimil, mugažo meblin fabrik i lindferm ratas lidnas.

Geografijan andmused[vajehta | vajehtada tekst]

Lidn sijadase Gissar-alangištos, Kafirnigan-jogen randal (tadž.: Кофарниҳон 387 km pitte, Amudarjan oiged ližajogi), 870 m ü.m.t. keskmäižel korktusel. Matkad Dušanbe-pälidnhasai om 19 km päivlaskmha.

Voden keskmäine lämuz om +13,7 C°, kezakun-elokun +24..+26 C°, tal'vkun-uhokun +1..+4 C°. Paneb sadegid 636 mm vodes, enamba keväz'kus-sulakus (114..118 mm kus), vähemba kezakus-sügüz'kus (1..11 mm kus).

Eläjad[vajehta | vajehtada tekst]

Vn 2010 Tadžikistanan rahvahanlugemižen mödhe lidnan eläjiden lugu oli 40 600 ristitud. Kaik 317 100 ristitud elihe rajonas vl 2016.

Statistikan kolledž[1] (tadž.: Коллеҷи омори шаҳри Ваҳдат, alusenpanend 1958) i medicinan kolledž ratas lidnas.

Homaičendad[vajehta | vajehtada tekst]

  1. Vahdatan statistikan kolledžan sait (kov.tj). (tadž.)

Irdkosketused[vajehta | vajehtada tekst]