Oš (lidn, Kirgizstan)

Vikipedii-späi

Ош
 Lidnanznam
 Flag
Valdkund Kirgizstan
Eläjiden lugu (2017) 281,900[1] ristitud
Pind 182 km²
Oš Ош
Pämez' Taalaibek Saribašov
(heinku 2018—)
Telefonkod +996−3222
Aigvö UTC+6


(kirg.: Ош, uzb.: Oʻsh) om lidn Kirgizstanan päivlaskmas. Se om lidn tazovaldkundan alištusenke, valdkundan kahtenz' lidn eläjiden lugun mödhe, om Ošan agjan administrativižeks keskuseks mugažo, ei mülü sihe.

Istorii[vajehta | vajehtada tekst]

Eländpunkt mainitase 9. voz'sadaspäi. Se sai lidnan statusad vl 1876.

Oš šingotase šuukkanghiden i tekstilin (puvill) kombinatoil, manalaižiden pompiden tegimel, sömtegimištol (leibän pästand, lihakombinat, tabakan ümbriradmine).

Geografijan andmused[vajehta | vajehtada tekst]

Lidn sijadase Ferganan alangišton päivnouzmas, Ak-Buur-jogen randal (kirg.: Ак-Буура, uzb.: Oqboʻyra 148 km pitte), 870..1100 m korktusil valdmeren pindan päl. Matkad Biškekhasai om 300 km pohjoižpäivnouzmha orhal vai 700 km M43-avtotedme.

Klimat om kontinentaline kuivahk. Kezakun-elokun lämuz om +25 C°, tal'vkun-uhokun 0..−2 C°. Paneb sadegid 416 mm vodes, enamba keväz'kus-sulakus (61..67 mm kus), vähemba heinkus-sügüz'kus (6..9 mm kus).

Kaik 11 žilod ümbrištos oma alištunuded lidnan administracijale: Almalik, Arek, Gulbaar-Toloikon, Džapalak, Keneš, Kerme-Too, Ozgur, Orke, Pätiletk, Toloikon, Teeke. Žiloiden ühthine ristitišt om 25..27 tuhad eläjid.

Eläjad[vajehta | vajehtada tekst]

Vl 2009 lidnan da alištunuziden žiloiden eläjiden ühthine lugu oli 258 tuh. ristituid, žiloita — 232 816 ristitud. Kaikiš suremb ristitišt om nügüd'.

Rahvahad (vaiše lidn, enamba 0,4 % vl 2009): uzbekad — 48,1 %, kirgizlaižed — 43,1 %, venänikad — 2,7 %, turkad — 2,4 %, totarlaižed — 1,2 %, turkmenalaižed — 0,4 %, toižed rahvahad — 2,1 %.

Homaičendad[vajehta | vajehtada tekst]

  1. Kirgizstanan Tazovaldkundan ristitišton lugu vn 2017 1. päiväl vilukud. — Stat.kg. (ven.)

Irdkosketused[vajehta | vajehtada tekst]