Päivnouzm (avtote)
Federaline kiruhavtote M-12 «Vostok» - saudud maksline avtote (federaline avtote) Moskvan i Tümenin keskes.
Vostok-avtote om rahvahidenkeskeižen transportmaršrutan (koridoran) Päivlaskmaine Evrop — Päivlaskmaine Kitai pala, mülüb «Magistraližen infrastrukturan modernizacijan da levitandan kompleksižhe planha».[1] M-12-avtote läbitab Moskvad, Vladimirad, Muromad, Arzamasad, Kazanid, Nižnekamskad, Jekaterinburgad, Tümenid. Trassan sauvond zavodiše vn 2021 augotišes. «Moskv — Kazan'»-pala om vaumitud vn 2023 tal'vkus, keskust Jekaterinburghasai linneb vaumitud vn 2025 lopus, likund Tümenihesai linneb avaitud täuzin vl 2025.
Istorii
[vajehta | vajehtada lähtetekst]Vn 2020 10. päiväl heinkud Venäman päministr Mihail Mišustin Jelabugan «Päivlaskmaine Evrop — Päivlaskmaine Kitai»-avtoten sauvondan suimal sanui, miše Venäman ohjastuz märiči tenderproceduran oloid i «Moskv — Kazan'»-avtoten sauvondan rahoitusen mahtust.[2]
27. heinkud tedotihe tenderoid sauvomha 729 km avtoted.[3]
Vn 2022 8. päiväl sügüz'kud ezmäine keskust (21 km pitte) om avaitud, ühtenzoitab Keskuzrengazavtoted (CKAD) i Moskvan sur't renghad.[4]
Vostok-nimitusen realizacii oli pandud edelpäi M12:n erasil sauvondlavoil de fakto. Vn 2023 1. päiväl redukud Venäman federaline ohjastuz päti nimitada M12-avtoted Vostok-avtoteks oficialižikš, vajehti sidä A375-nimenke.[5]