Päivnouzmaine laud
Päivnouzmaine laud (pol'š.: Tarcza Wschód) om nacionaline kaičendiniciativ, kudamban Pol'šanman ohjastuz pästi eloho vahvištamha ičeze päivnouzmaižid röunoid Vaugedvenämanke i Venäman Kaliningradan eksklavanke. Program om ühteks kaikiš znamasižembiš investicijoišpäi Pol'šan valdkundan varuitomudehe da röunoiden kaičendha Pol'šanman sodanjäl'ghižes istorijas.
Program
[vajehta | vajehtada lähtetekst]Pol'šanman ohjastuz tedoti «Päivnouzmaine laud»-programas vn 2024 18. päiväl semendkud[1]. Program om oigetud Pol'šanman sodavägiden ližadusele i röunoiden varuitomudele nügüd'aigaižiden kaclendsistemiden, fizižiden zaborkoiden i infrastrukturan šingotesen kompleksižen ühtenzoitusen kal't[2].
Program pid'oitelese znamasižel investicijal enamba mi 10 mlrd Pol'šanman zlotid (läz 2,55 mlrd US$), ned anttas jäl'ghižen nellän voden aigan. Nece rahoituz pid'oiteleb severziden-se kaičendobjektoiden sauvondad da otandad kävutamižhe pidust' valdkundröunad[2].
Fizižed zaborkad
[vajehta | vajehtada lähtetekst]Päivnouzmaine laud mülütab fizižiden zaborkoiden sauvondad, ned oma oigetud telustamha da kontroliruimha sirdandad röunan taga. Ned zaborkad oma kut ahtištai faktor, muga potencialižiden vägitungendan vitkostusen abutuz[3].
Radioelektronižed torasistemad
[vajehta | vajehtada lähtetekst]Programan päine eriližuz om nügüd'aigaižiden kaclendsistemiden otand kävutamižhe, niišpäi erased-se ratas ratud intellektan alusel. Ned sistemad kattas voimusiden rivid, niiden kesken vizualine tedišteluz (IMINT), signaline tedišteluz (SIGINT) i akustine monitoring[3]. Valdkundröun linneb varutadud bazstancijoiden rivil da mastoil, niihe linneb pandud aigaližen varutusen da jäl'gitamižen sistemid. Ned objektad mugažo abutaškatas šifriruidud sidole, radioelektronižele torale i toradamha dronoid vaste[3].
Sätas andmusiden analizan keskusid ühtenzoitmaha keratud kaclendsistemil informacijad. Nened keskused kävutaškandeba ratud intellektad ümbriradamha andmusid i ühtenzoitmaha avtomatižikš azegišton sistemihe[3].
Registriruindlaud
[vajehta | vajehtada lähtetekst]Pol'šanma ozuti tahtod tehta ühthižtöd PAKO:n i Evropan Ühtištusen partnöridenke «Päivnouzmaine laud»-programan mödhe. Kaceltas iniciativad päižeks projektaks, kudamb vajehtab regionan varuitomuden dinamikad, eriližešti PAKO:n päivnouzmaižen polen kollektivižen kaičendan tagut. Deklaracii «Päivnouzmaižes laudas» oli vasttud tugel erazvuiččiš sebroišpäi, sidä kesken Baltijan maišpäi, kudambad jagadas pojavid varuitomuden problemoid. Program kaclese kut endustuzmär vahvištamha regionališt stabiližust i pidatamha potenciališt agressijad[3].