Leopard

Edahaižen Päivnouzman leopard (Panthera pardus orientalis), 2009

Valdkund:	Živatad
Tip:	Sel'gjäntkeižed (Chordata)
Klass:	Imetaiživatad (Mammalia)
Heimkund:	Lihansöjad (Carnivora)
Sugukund:	Kažinvuiččed (Felidae)
Heim:	Panterad (Panthera)
Erik:	Leopard

Latinankel'ne nimi

Panthera pardus (Linnaeus, 1758)

Areal

Sistematik
Vikierikoiš

Kuvad
Vikiaitas

ITIS 183804

NCBI 9691

Leopardan (Panthera pardus) nägud londuses. Videon hätkeližuz om 2 min 11 s.

Leopard (latin.: Panthera pardus) om Kažinvuiččed-sugukundan lihansöjiden imetaiživatoiden erik, Panthera-heimon üks' vides eläbas erikospäi.

Etimologii

«Leopard»-sana tuli vepsän kel'he venän kelespäi, sihe putui 18. voz'sadal Päivlaskmaižen Evropan kelišpäi: franc.: léopard, saks.: Leopard. Sündui niiš möhälatinan sanoiden leopardus-ühtištusespäi: leo «lev» i pardus «bars»^[1].

Leviganduz

Erik erigoičihe toižiš panteroišpäi läz 3,8 mln vozid tagaz Azijan territorijal, sid' migrirui i eläškanzi Afrikas^[2]. Nügüd'aigaine leopardan form libui Afrikas 470..825 tuhad vozid tagaz i leviganzi Azijadme 170..300 tuhad vozid tagaz. Kadoi Evropas kümne tuhad vozid tagaz.

Erik jagase kahesaks..ühesaks alaerikoks levigandusen regionan mödhe. Eričuiden lugumär poleneb äjiš tahondoiš. Leopardan mectuz om kel'tud Azijan kaikiš maiš, oleleb kvotid Afrikan maiš.

Ümbrikirjutand

Suruded varjiruidas lujas alaerikho kacten. Hibjan piduz händata om 90..190 sm (160 sm keskmäras), händ om 60..110 sm pitte. Emäčun mass oleleb 32..65 kg, ižačun 60..75 kg. Ižačuiden korktuz sägus om 50..78 sm, henombiden emäčuiden oleleb 45 sm vaiše.

Živat eläb 10..11 vodhesai londuses, voib eläda 21 vot stajas. Oleskeleb täuz'kaznu elon koumandel vodel.

Alaerikod

21. voz'sadan augun tedoidused poleniba leopardan eläbiden alaerikoiden lugud (ende oli 27:hesai) kahesha-üheshasai:

Afrikanine leopard (Panthera pardus pardus), eläb Afrikas
Indokitajine leopard (P. p. delacouri), om levitadud Indokitaiš
Javan leopard (P. p. melas), Jav-sar' (Indonezii)
Indine leopard (P. p. fusca), Indii, Pakistanan päivlaskm i suvi, Nepal
Ceilonine leopard (P. p. kotiya), Šrilank
Pohjoižkitain leopard (P. p. japonensis), Kitai
Edahaižen Päivnouzman leopard (P. p. orientalis), Venäman Edahaine Päivnouzm, Kitain pohjoine, Korei
Persine leopard (P. p. saxicolor), Päivlaskmaine Azii, Kavkaz
Suviarabijan leopard (P. p. nimr), Arabijan pol'sar' (erasti ühtištadas saxicolor-alaerikonke)

Kadonuded alaerikod

Panthera pardus spelaea† — eli Evropas pleistocenan aigan;
Evropine leopard Panthera pardus sickenbergi† — oli levitadud avaros Evropan territorijal i kadoi pleistocenan lopus, läz 10 tuh. vozid tagaz. Naceine alasinonim P. p. spelaea:n täht.

Homaičendad

↑ Černih P. Ja. Историко-этимологический словарь современного русского языка (Nügüd'aigaižen venän kelen istoriž-etimologine vajehnik). — M.: Russkii jazik, 1993. — T.1. — Lp. 475. (ven.)
↑ Johnson W. E., Eizirik E., Pecon-Slattery J., Murphy W. J., Antunes A., Teeling E., O'Brien S. J. The Late Miocene Radiation of Modern Felidae: A Genetic Assessment (Nügüd'aigaižiden Kazinvuiččiden leviganduz möhäižes miocenas: genetine arvoind) // Science-aiglehtez. — 2006. — Vol. 311, iss. 5757. — Lpp. 73−77. (angl.) ISSN 1095-9203 0036-8075, 1095-9203.

Leopard Vikiaitas

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.

[1] Černih P. Ja. Историко-этимологический словарь современного русского языка (Nügüd'aigaižen venän kelen istoriž-etimologine vajehnik). — M.: Russkii jazik, 1993. — T.1. — Lp. 475. (ven.)

[2] Johnson W. E., Eizirik E., Pecon-Slattery J., Murphy W. J., Antunes A., Teeling E., O'Brien S. J. The Late Miocene Radiation of Modern Felidae: A Genetic Assessment (Nügüd'aigaižiden Kazinvuiččiden leviganduz möhäižes miocenas: genetine arvoind) // Science-aiglehtez. — 2006. — Vol. 311, iss. 5757. — Lpp. 73−77. (angl.) ISSN 1095-9203 0036-8075, 1095-9203.

[1]

[2]