Patrušev Dmitrii Nikolajevič
| Patrušev Dmitrii Nikolajevič | |
.jpg) | |
| nimi sündundan jäl'ghe: |
ven.: Дмитрий Николаевич Патрушев |
|---|---|
| radmižen toižend: | |
| sündundan dat: |
13. reduku 1977 |
| sündundan sijaduz: |
Piter, Venäman NFST[d], Nevondkundaližiden Socialistižiden Tazovaldkundoiden Ühtištuz[1] |
| valdkund: |
|
| tat: | |
 Patrušev Dmitrii Nikolajevič VikiAitas | |
Dmitrii Nikolajevič Patrušev (ven.: Дми́трий Никола́евич Па́трушев, sünd. 13. reduku 1977, Leningrad, NSTÜ) om venämalaine valdkundmez'. Venäman ohjastusen nügüdläine pämez' vn 2024 semendkun 14. päiväspäi[2].
Ende — Venälaižen Federacijan maižanduzministrusen pämez' (ministr, 2018−2024), «Rossel'hozbank:an» ohjandusen pämez' (2010−2018).
Elostarin
[vajehta | vajehtada lähtetekst]
Dmitrii Patrušev om sündnu Leningradha vn 1977 redukun 13. päiväl.
Vodel 1999 Dmitrii lopi Valdkundaližen ohjandusen universitetan «Menedžment»-openduzpalakundad.
Vozil 2002−2004 mez' openzihe Venäman verazmaižiden azjoiden ministrusen diplomatižes akademijas, sen «Mirun ekonomik»-openduzpalakundas.
Vl 2006 Dmitrii vaumiči Venäman Federaližen varuitomuden radnikoičendan akademijad.
Tedorad
[vajehta | vajehtada lähtetekst]Vn 2003 sulakun 16. päiväl Piterin valdkundaližes ekonomikan i finansoiden universitetas Patrušev vahvišti dissertacijan, miše sada ekonomikan tedokandidatan tedoarvod «Sädandekonomižed erikacegen šingotesen alendused ohjandamha tedo-oppindorganizacijoiden radod»-temadme (tedoohjandai G. N. Ivanova; opponentad Boris Vasiljevič Pränkov i P. M. Šavkunov)[3].
Vn 2008 3. heinkud Piterin valdkundaližes ekonomikan i finansoiden universitetas Patrušev vahvišti dissertacijad samha ekonomikan kandidatan tedoarvod «Valdkundaližed da möndkosketused organizacijad tegeližen politikan sädandas da todenzoituses: todesižiden TEKan monopolijoiden materialoiden pohjal»-temadme (tedokonsul'tant V. V. Korelin; opponentad V. V. Gluhov, A. V. Kruglov, S. А. Uvarov).
Rad
[vajehta | vajehtada lähtetekst]Vozil 1999−2002 Patrušev radoi.
Vl 2004 mäni radole VTB-bankha. Vodelpäi 2007 Patrušev oli VTB-bankan vanhemban vice-prezidentan.
Vozil 2010−2018 — ohjandusen pämez', tarkišteluznevondišton ühtnii. Patruševan aigan bankas tegihe enamba bankproduktoid da operacijoid ristituiden da biznesan täht. Ozaižihe uded tedoted: kaičuzmaksand da rahansijaduz. Mugažo surenzi Agrotegimištoližen kompleksan tugi. Vozil 2010−2017 Rossel'hozbankan velgan jänduz sureni nell'hä kerdha. Vodel 2017 se oli 2,97 trillionad rublid.
Vll 2016−2021 — «Gazprom:an» pämehiden nevondkundan ühtnii.
Maižandusen ministr
[vajehta | vajehtada lähtetekst]Vn 2018 18. semendkud pandihe Patruševad Venäman maižandusen ministraks, vn 2020 21. vilukud udes om necil radsijal.
Varapremjer
[vajehta | vajehtada lähtetekst]Vl 2024 11. semendkud Mihail Mišustin tariči kacta Parlamentale uden valdmehišton kundan, tariči Patruševad varapremjeran radsijale. 13. päiväl semendkud Parlament vahvišti händast sile radsijale, 14. semendkud prezident allekirjuti käskön panendas.
Udel radsijal Patrušev pidab vastust:
- valdkundaližen politikan Venäman maižandusen da agrotegimištoližen kompleksan erištoiš, niiden kesken vinmarjankazvatuses i vinan tehmižes, man azjoiš, külämaiden šingotesses, kalankazvatuses, mecižanduses da meckompleksas;
- ohjandab da kontroliruib rahvahaližen «Ekologii»-projektan šingotest da todenzoitust.
Tarkišteleb ministrusiden, federaližiden radnikoičendoiden da agentusiden radod.
Mez' om pandud Venäman tedoakademijan tarkištelendan nevondkundha Venäman prezidentan käskön mödhe vn 2025 semendkun 15. päiväspäi.
Ohjandusenrad
[vajehta | vajehtada lähtetekst]Vodelpäi 2016 Patrušev — "Gazproman" pämehiden nevondišton ühtnik.
Vodelpäi 2018 Patrušev — "Rossel'hozbankan" tarkištelendan nevondišton pämez'.
Kanz
[vajehta | vajehtada lähtetekst]Ei ole naidud. Om kuz' last: koume poigad, koume tütärt.
Tat — Nikolai Patrušev, venälaine valdkundmez', Venäman Federaližen varuitomuden radnikoičendan pämez' (1999−2008), Venäman Federaližen varuitomuden radnikoičendan sekretar' vn 2008 semendkun 12. päiväspäi.
Mam — Jelena Nikolajevna Patruševa (om sündnu vl 1955), radoi ul'tradiagnostikan lekarin, oli Vnešekonombank:an radnikan. Vodel 1993 ühtes Boris Grizlovanke da toižidenke ühtenklassnikoidenke tegihe rahvahaližen «Bоrg»-organizacijan sädajan, kudamb radoi metalloloman tavaranvedanke.
Vell' — Andrei Patrušev, enzne pämez' «Gazprom-Neft'»-kompanijan šel'fan projektoiden šingoteses i enzne "Gazprom šel'fan kivivoin" pämez'. «Arktižed iniciativad»-keskusen pämez'.
Pauklahjad
[vajehta | vajehtada lähtetekst]- Venäman arvostusen orden (26. reduku 2016) — sures panendas agrotegimištoližen kompleksan velgan todištusen organizacijha.
- Čečenijan Tazovaldkundan pauklahjad "Arvtegoiš Čečenijan Tazovaldkundan edes" (26. tal'vku 2017)[4].
- Arvostadud Čečenijan Tazovaldkundan maižandusen radnik" (15. sulaku 2022)[5].
- Venäman maižandusen ministrusen kitändkirjeine — äivoččes hüväs rados APK-sistemas.
- Venälaižiden bankoiden associacijan diplom — panendas banksisteman šingoteshe.
- Radsarakon «Voden bankir»-premii (2015).
Homaičendad
[vajehta | vajehtada lähtetekst]- ↑ https://tass.ru/encyclopedia/person/patrushev-dmitriy-nikolaevich
- ↑ Энциклопедия ТАСС, 2024. Патрушев, Дмитрий Николаевич. Заместитель председателя правительства РФ.
- ↑ Šablon:Статья
- ↑ Указ Главы Чеченской Республики от 26 декабря 2017 года № 225
- ↑ Указ Главы Чеченской Республики от 15 апреля 2022 года № 66
Irdkosketused
[vajehta | vajehtada lähtetekst]- TASS-agentusen enciklopedii, 2024 (tass.ru). Патрушев, Дмитрий Николаевич (Patrušev Dmitrii), VF:n ohjastusen varaezimez'. (ven.)
- Dmitrii Patruševan biografii Venälaižen Federacijan ohjastusen government.ru-saital. (ven.)
- Dmitrii Patruševan biografii Rossel'hozbank:an rshb.ru-saital. (ven.)
- Dmitrii Patruševan interv'ju «Rossija 24»-TV-kanalale rshb.ru-saital. (ven.)
- «Дмитрий Патрушев: „Кредитов, какие мы предлагаем, нет ни у одного банка“».
- «Дмитрий Патрушев: работой Россельхозбанка доволен» (Dmitrii Patrušev: «Olen hüviš meliš Rossel'hozbank:an radospäi») // Vesti.ru. (ven.)