Pervoural'sk

Pervoural'sk
Первоуральск

Lidnanznam	Flag
Valdkund	Venäma
Eläjiden lugu (2025)	110,999 ristitud
Pind	66 km²
Pämez'	Igor' Kabec (semendku 2018—)
Telefonkod	+7−3439-xxx-xxx
Avtokod	66, 96, 196
Aigvö	UTC+5 (MSK+2)

Lidnan shematine kart (2004)

Pervoural'sk (ven.: Первоура́льск) om Venäman lidn Sverdlovskan agjan suvipäivlaskmas. Se om agjan nellänz' lidn eläjiden lugun mödhe, Pervoural'sk-ümbrikon (edel 2025. vot — lidnümbrikon) administrativine keskuz da pala.

Istorii

Eländpunktan aluz om pandud vl 1732 kuti Vasil'jevsko-Šaitanskii-žilo (ven.: Васи́льевско-Шайта́нский посёлок) ühtennimiženno raudtegimenno, tegim radoi sijaližel kivendol. Vl 1920 pästaškanzihe Uralan ezmäižid raudtorvid, udesnimitihe žilod nügüdläižikš sen-žo voden sügüz'kul. Anttihe Pervoural'sk-žilole lidnan statusad vn 1933 20. päiväl kezakud. Vspäi 1963 Pervoural'sk alištub agjan tobmudele oikti.

Pervoural'sk šingotase sauvondmaterialiden järedoil tegimil (torved, leskusenvastaižed tegesed) i sömtegimištol (leibkombinat, maidtegim), mugažo pästtas hroman ühtnendoid i ühthekeitandan mašiništod, tegesid poliuretanaspäi i kaivuzmašiništod kivivalamižel.

Geografijan andmused

Municipaližen Pervoural'sk-ümbrikon sijaduz agjas vn 2018 kartal

Lidn sijadase ümbrikon suvipäivnouzmas, Keskmäižen Uralan päivlaskmaižil pautkil, 283 m ü.m.t. keskmäižel korktusel. Se seižub Sur' Šaitank-jogen randoil (ven.: Большая Шайтанка, 17 km pitte), jogi sädab vezivaradint-«uitod» i lankteb Čusovai-jogehe oiktalpäi (Kamanjogen hurapol'ne bassein).

Matkad Jekaterinburgan röunhasai om koumekümne kilometrad päivnouzmha orhal, 34 km avtotedme vai raudtedme; keskuzpalhasai — 43 km orhal vai 47 km avtotedme. Lähembaine lidn om Revd ani suvhe.

Eläjad

Vn 2010 Venäman rahvahanlugemižen mödhe lidnan eläjiden lugu oli 124 528 ristitud, lidnümbrikon viž kudendest, vn 2021 — 114 450 ristitud. Kaik 124 447 eläjad oli lidnas vl 2017. Kaikiš suremb lidnan ristitišt oli 144 tuhad eläjid vll 1991−1993.

Rahvahad (ozutadud rahvahudenke vl 2010): venälaižed — 88,1 %, totarlaižed — 6,6 %, baškiralaižed — 1,7 %, toižed rahvahad — 3,6 %.

Ortodoksižen hristanuskondan viž jumalanpertid oma saudud lidnas, mugažo Jumalannägundan päjumalanpert' om sauvomas vspäi 2015. Islaman «Sabr»-pämečet' om avaitud vl 2004.

Openduz

Lapsiden opendusen aluzkundad oma kahesa päivkodid (nomer 3 (päivkodid-filialad 21, 29, 32..34, 50), nomer 5 (päivkodid-filialad 10 i 36), nomer 9 (filialad 1, 8, 11, 13, 14, 28), nomer 12 (filialad 18, 44, 45, 48, 59, 63, 65,77), nomer 26 (filialad 27, 54, 64, 69), nomer 37 (filialad 16, 49, 55, 84), nomer 39 (filialad 15, 20, 20, 25, 43, 95), nomer 70 (filialad 38, 41, 42, 46, 47, 57, 60)), augotižškol-päivkodi nomer 14, nell'toštkümne keskškolad (nomer 1..7, 9..12, 15, 20, 28), licei nomer 21 (kaks' adresad), škol nomer 32, lapsiden da norišton šingotesen keskuz, ližaopendusen keskuz, kaks' sportškolad (muite i Jevrazija «Evrazii»).

Pervoural'skan politehnikum i metallurgine kolledž oma lidnan professionaližen opendusen aluzkundoikš.

Galerei

• 
  Kolonn Pervoural'skan lidnümbrikos Evropan i Azijan röunal (2012)
• 
  Lidnan läžundkodin korpusad, vn 2002 nägu
• 
  Pervoural'skan Novotrubnii-tegim vl 2006 (torved)
• 
  Pervoural'skan LEK vl 2017
• 
  Pervoural'skan metallurgine tehnikum (2002, huralpäi)
• 
  Innovacine kul'turkeskuz (2019, om saudud vl 2016)
• 
  «Start»-jäpert'kulu (2002)
• 
  Ujundbassein Vezisportansuguiden pert'kulus (2002)
• 
  Avtoiden gaztäutmižen kompressorstancii vl 2014
• 
  Pervoural'sk-päraudtestancii vl 2006
• 
  Pervoural'sk (ülähän) i Revd (alahan) Man kaimdajaspäi edel 2006. vot

Irdkosketused

• Municipaližen Pervoural'sk-ümbrikon Duman oficialine sait (prvduma.ru). (ven.)
• Municipaližen Pervoural'sk-ümbrikon Administracijan oficialine sait (prvadm.ru). (ven.)