Roz
| Roz | ||||||||||||
|---|---|---|---|---|---|---|---|---|---|---|---|---|
 Benks-emändan roz (Rosa banksiae) änikoičendan aigan | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Rósa L., 1753 | ||||||||||||
|
Roz (latin.: Rosa) om levitadud penzhiden, pezhaižiden i lianiden heim, kogoneb 400..500 erikospäi. Mülüb Rozanvuiččed-sugukundha. Om sätud enamba mi kümned tuhad sadrozan sortuid heimon erikoiden alusel.
Leviganduz
[vajehta | vajehtada lähtetekst]Heimon erikod kazdas Evropan i Pohjoižamerikan äjiš tahondoiš, Azijas päiči räkiš maiš, Afrikan pohjoižes i suves. Erikoiden kaikiš suremb erazvuiččend om olmas subtropižes vös i mägitahondoiš. Venäman territorijal kazdas 48..100 londuseližen rozan erikod, niišpäi äjad oma endemikoikš. Semendkun roz (Rosa majalis) om heimon tipine erik i kaikiš enamba levitadud Venämas.
Roz om introduciruidud Avstralijha i Udhe Zelandijha. Lugetas mecerikoid rujoheinäks i travidas Udes Zelandijas.
Ümbrikirjutand
[vajehta | vajehtada lähtetekst]Kazmuz oleleb igähižvihand (tahondoiš tal'varvoimižita) vai lanksijanke lehthištonke tal'veks. Seikh om püštoiged vai ujelii, sen korktuz voib olda 15..25 santimetraspäi kahesha..kümnehe metrhasai. Lianan form om kaikiš amuižemb heimos. Heinäsižed formad Pohjoižamerikas — kaikiš norembad, niiden seikhed kuidas tal'veks. Jurišt om värtmenvuitte, eläb 8..13 vot, ličese erasti vižmetrižele süvüdele, no 15..40 sm süvütte päpaloin. Äjad erikod äikerdoitas vegetativižikš i sätas žomid severz'-se metrid diametral. Rozan erikoiden järgeline igä om 30..50 vot, no erased-se kazmused elädas sadad vozid žomikš i puikš.
Plod om äipähkmut, rusttan, ruskedpakuižen vai mustan mujun, 1..1,5 sm surtte. Roz andab ploduid igän koumel vodel, erasti kahtel. Ploduiden enamba kaiked oleskeleb nelländel-kudendel vodel i kerdan koumes-vides vodes.
Valitud erikod
[vajehta | vajehtada lähtetekst]- Rosa banksiae — Benks-emändan roz
- Rosa canina — Kukoinkarang
- Rosa carolina — Karolinine roz
- Rosa davurica — Daurine riz
- Rosa foetida — Haižukaz roz
- Rosa gallica — Francine roz
- Rosa kokanica — Kokandan roz
- Rosa majalis — Semendkun roz, heimon tipine erik
- Rosa mollis — Pehmed roz
- Rosa pendulina — Rippui roz
- Rosa spinosissima — Ogakaz roz
- Rosa tomentosa — Hobasine roz
Homaičendad
[vajehta | vajehtada lähtetekst] |
Roz Vikiaitas |