Sen-Sebast'jan-sür-Luar

Sen-Sebast'jan-sür-Luar
Saint-Sébastien-sur-Loire
	Lidnanznam;
Valdkund	Francii
Eläjiden lugu (2023)	28,596 ristitud
Pind	11,66 km²
Pämez'	Tomas Buše; (semendku 2025—,; mandat 2025−2026,; Thomas Boucher) ;
Aigvö	tal'vel UTC+1,; kezal UTC+2

Sen-Sebast'jan-sür-Luar (franc.: Saint-Sébastien-sur-Loire [sɛ̃ sebastjɛ̃ syʁ lwaʁ], sana-sanhaline känduz om «Pühä Sebast'jan Luaral») om lidn da kommun Francijan päivlaskmas-lodehes. Se om Nantan suvipäivnouzmaine i koumanz' surtte ezilidn, mülüb Luaran mad-regionha i sen Atlantine Luar-departamentha.

Istorii

Eländpunkt mainitase 13. voz'sadan augotišespäi, En-nimitusenke. 15. voz'sadaspäi žilon nimi oli San-Sebastj'an-d'En ičeze kaičijan pühämehen mödhe. Kund om sätud vl 1790. Se sai nügüdläšt nimitust vl 1920. Žilon eläjiden edeližed radod oliba vinan tehmine i nižun kazvatuz, 19. voz'sadaspäi — linmavodind. Toižen mail'man sodan jäl'ghe lidnastumine vedi maižanduzradmišt läz lopunnoks.

Sen-Sebast'jan-sür-Luar šingotase valdkundaližil holitišil, torguindal, transportal i toižiden holitišiden sferal. Tegimišton i sauvondan severz'-se edheotandad ratas lidnas.

Geografijan andmused

Lidn sijadase departamentan keskuzpalan suvipäivnouzmas, Nantan kohtas, Luaran hural randal, 2..33 m ü.m.t. korktusil.

Kaik kaks' passažirplatformad ratas lidnas Nant — Sent-raudtejonol: Sen-Sebast'jan-Pa-Enčantes (Saint-Sébastien-Pas-Enchantés) i Sen-Sebast'jan-Fren-Ron (Saint-Sébastien-Frêne-Rond).

Eläjad

Vn 2011 Francijan rahvahanlugemižen mödhe lidnan-kundan eläjiden lugu oli 25,293 ristitud. Kaik 26,872 eläjad oli lidnas vl 2016. Kaikiš suremb lidnan ristitišt om nügüd'.

Edeližed lidnankundan pämehed oma Loran Turkua (Laurent Turquois, reduku 2017 — semendku 2025), Žoel' Gerrio (Joël Guerriau, kezaku 1995 — reduku 2017).