Soročinsk

Soročinsk
Сорочинск
Lidnanznam;	Flag;
Valdkund	Venäma
Eläjiden lugu (2021)	26,980 ristitud
Pind	55,93 km²
Pämez'	Tatjana Melentjeva; (tal'vku 2010—)
Telefonkod	+7−35 346-xx-xxx
Avtokod	56
Aigvö	UTC+5 (MSK+2)

Soročinsk (ven.: Соро́чинск) om Venäman lidn Orenburgan agjan päivlaskmas. Se om Soročinskan lidnümbrikon administrativine keskuz, vl 2016 mülüti Soročinskan rajonad.

Istorii[vajehta | vajehtada tekst]

Eländpunktan aluz om pandud vl 1737 kuti Soročinkan lidnuz, nimitihe lähižen Soročink-jogen mödhe. 19. voz'sadaspäi oli Soročinskoje-žiloks. Saudihe Soročinskai-raudtestancijad «Samar — Orenburg»-jonol, läbiti lidnad vl 1877.

Žilo sai lidnan statusad vn 1945 16. päiväl semendkud. Soročinsk šingotase kivivoin samižen edheotandoil (650 mareigud lidnümbrikos) i sijaližen maižandusen produkcijan ümbriradmižel (leibänkombinat, lihakombinat).

Geografijan andmused[vajehta | vajehtada tekst]

Lidn sijadase Samaranjogen hural randal, 100 m ü.m.t. keskmäižel korktusel. Soročinskan vezivaradim (35,56 km²) om ülezjogen reguliruimha Samaran vedhut. Matkad Orenburghasai om 170 km suvipäivnouzmha. Lähembaine lidn om Buzuluk 73 km lodeheze orhal vai 90 km kaikil teil.

Kaik 40 žilod mülüdas lidnümbrikho Soročinskan ližaks. Lidnümbrikon pind — 2763,18 km².

Eläjad[vajehta | vajehtada tekst]

Vn 2010 Venäman rahvahanlugemižen mödhe, lidnan eläjiden lugu oli 29 249 ristitud. Kaikiš suremb ristitišt oli 29..30 tuhad vozil 1996−2011 (30 700 rist. vl 2001). Vl 2017 kaik 40 853 ristitud elihe lidnümbrikos, sidä kesken kaks' koumandest oliba Soročinskan eläjad.

Ortodoksižen hristanuskondan viž pühäpertid^[1] oma olmas lidnas: nell' jumalanpertid i časoun'.

Soročinskan veterinarine tehnikum^[2] (Orenburgan valdkundaližen agrarižen universitetan filial) om professionaližen opendusen aluzkundaks.

Galerei[vajehta | vajehtada tekst]

Lidnan administracijan sauvuz (2012)
Mikoi-arhangelan jumalanpert', vn 2012 nägu
Soročinskan vezivaradim vl 2012
Laudtennisan sportškol (2007)
Soročinskai-päraudtestancijan sauvuz vl 2012

Homaičendad[vajehta | vajehtada tekst]

Irdkosketused[vajehta | vajehtada tekst]

Lidnümbrikon tobmuden aluzkundoiden oficialine sait (sorochinsk56.ru). (ven.)

Soročinsk Vikiaitas

	Orenburgan agjan lidnad
	Abdulino \| Buguruslan \| Buzuluk \| Gai \| Jasnii \| Kuvandik \| Mednogorsk \| Novotroick \| Orenburg \| Orsk \| Sol'-Ileck \| Soročinsk

[1] Soročinskan pühäpertid sobory.ru-saital. (ven.)

[2] Soročinskan veterinarižen tehnikuman sait (svt.orensau.ru) i sen lehtpol' orensau.ru-saital. (ven.)

[1]

[2]