Nahotk

Nahotk
Находка

Lidnanznam	Flag
Valdkund	Venäma
Eläjiden lugu (2017)	151,420 ristitud
Pämez'	Andrei Gorelov (keväz'ku 2016—)
Telefonkod	+7−4236-xxx-xxx
Avtokod	25, 125
Aigvö	UTC+10 (MSK+7)

Nahotk (vai Nahodk; ven.: Находка [nɐˈxotkə] «löudmine») om Venäman lidn da järed meriport Merenrandaližen randan suvirandpolel. Nece om randan koumanz' lidn eläjiden lugun mödhe.

Istorii

Eländpunktan aluz om pandud vn 1864 kevädel kuti Venäman imperijan gidrografine sodapost i faktorii, oliba elänzoittud vhesai 1873. Okaizihe ühtenzoitajan laivan murendusen tagut, sirdihe lähižihe külihe da futorihe, kalategim radoi. Vn 1907 kezaspäi Amerikank-külä (ven.: деревня Американка) oli pandud sirdnikoil Černigovan gubernijaspäi.

1930-nzil vozil severz'-se žilod oli Nahotkan lahten randal, sidä kesken Nahotk-žilo. Vl 1939 NSTÜ:n ohjanduzkund päti sirta pämeriportad tänna Vladivostokaspäi, kävutihe türmatud mehiden töid sauvomha järedoid valdmoid i kalaportad. Vl 1940 kätihe Nahotkad radnikžiloks. Se sai lidnan statusad vn 1950 18. päiväl semendkud. Vll 1971−1973 Päivnouzmaine-portan (ven.: порт Восточный) ezmäine jono om saudud Komsomolan udarnikoil. Vll 1990−2006 panihe Nahotkad joudjaližeks ekonomižeks zonaks vedatamha verazmaižid rahanpanijoid da šingotamha lidnad.

Geografijan andmused

Lidn sijadase Japonijan meren i sen Nahotkan merikaran lodehližel randal, Trudnii-pol'sarel, 8 m ü.m.t. keskmäižel korktusel. Matkad Vladivostokhasai om 80 km päivlaskmha orhal vai 170 km avtotedme. Lähembaižed lidnad — Fokino 50 km lodeheze avtotedme i Partizansk 50 km pohjoižpäivnouzmha avtol vai raudtedme. Transsiban sarak tuleb meriportha Vladivostokaspäi. Lidn vedase pidust' randad 20 kilometras, lidnümbrik — 200 kilometras keskustoidenke, röunatab Partizanskan rajonanke.

Koume žilod mülüdas lidnümbrikho Nahotkan ližaks: Duškino, Ann i Beregovoi. Lidnümbrikon pind — 360,36 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 159 719 ristitud, lidnümbrikon — 160 760 ristitud. Kaikiš suremb lidnan ristitišt oli 173 500 eläjad vl 2005, lidnümbrikon röunoiš — 186 868 eläjad vl 1989. Vl 2017 kaik 152 294 ristitud elädas lidnümbrikos.

Irdkosketused

• Lidnümbrikon tobmuden aluzkundoiden oficialine sait (nakhodka-city.ru). (ven.) (angl.)
• Lidnümbrikon Duman oficialine sait (duma-nakhodka.ru). (ven.)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.